Israelfɔ Ɩlʋ 5
5
Nana Bulu Toyula Yile Abwɛpʋ
Dawid kanfʋ-ɩlʋ ha ɩlʋ osunapʋ. Bɔ́pʋ ɔtɛntɛ fʋlɩ mʋ́.
1Oo Nana Bulu, yaa asʋ.
Nu mɩ asʋn, afʋnu mɩ isu.
2Mɩ Wie pʋ́ mɩ Bulu,
nu mɩ isu, afʋgyi mɩ bʋalɛ,
tsufɛ fʋ ndesu kpoli.
3Oo Nana Bulu, bakɛ fónu mɩ ɔmɛ.
Nɔ́pʋ mɩ asʋn tswɩ fʋ ansɩtɔ nyankɩ,
si ntsie ndɛ fʋ ansɩtɔ kɩ.
4Oo Bulu, lalahɛbwɛ tamagyi fʋ ansɩ.
Fʋtamafia lalahɛ abwɛpʋ.
5Fʋtamakleá fówun ɩwɩ atsupʋ.
Fʋtekisi lalahɛ abwɛpʋ fɛ́ɛ́.
6Fʋteyinta afunupʋ,
fʋtekisi aha amɔpʋ pʋ́ aha amlɛpʋ.
7Tamɛ fʋ ɔdwɛá ɩma ɔka sʋ,
nébitiwie fʋ woyitɔ.
Nɔ́pʋ ifu bun sum fʋ fʋ ɔtswɛkpa ɩnʋ.
8Oo Nana Bulu, fʋ asʋn da ɔkpa.
Mɩ alupʋ bɔdʋbɩ.
Mʋ́ sʋ kpa mɩ, ambwɛ fʋ ɔdwɛla.
Suna mɩ fʋ ɔkpa, antsʋn mʋ́sʋ.
9Bʋtamablɩ ɔnɔkwalɩ kʋkʋ.
Lalahɛ pɛ bʋ amʋ́ ɩklʋntɔ.
Amʋ́ ɔnɔtɔ asʋn blɩhɛ tobon fɛ fuli ɔbɔtɔ.
Bʋtɔpʋ amʋ́ ɔnɔ mlɛ aha.
10Oo Bulu, ha amʋ́ ɩpɔn!
Amʋ́ onuto agywɩɩn lalahɛ ɩtɩ lowu ha amʋ́.
Amʋ́ lakpan tsɔtsɔɔtsɔ pʋ́ alɩá bakʋsʋ lɩɩ fʋsʋ,
sʋ gya amʋ́ lɛ fʋ ansɩsʋ.
11Tamɛ ha aha ánɩ́ bʋtɛsrɩ tanʋ fʋ fɛ́ɛ́ abʋnya ansigyi.
Ha amʋ́ abʋwa ansigyi ɩlʋ.
Bun amʋ́sʋ, mɛnɩ ansɩ bégyi fʋ adwɛpʋ fɛ́ɛ́.
12Tsufɛ Nana Bulu, fʋtoyula yile abwɛpʋ.
Fʋ awɩtɔlɛ legyi ɩban bomli amʋ́.
Voafantina amin'izao fotoana izao:
Israelfɔ Ɩlʋ 5: nko
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation