Mataayi Ɨmhola ɨndongosi
Ɨmhola ɨndongosi
ɄMataayi alyale nsungʼhua ghwa Yesu Kɨlɨsite mʉ vasungʼhua vala kɨjigho na vavɨlɨ. Ʉvʉfumbue ʉvwa kʉlemba ɨkɨtabu ɨkɨ vʉlyale vwa kʉsimilisia aVayahudi kuuti ʉYesu ghwe Mpoki, kwekʉti ʉMesiya jʉno ʉNgʉlʉve alyalaghile kʉkʉnsuungʼha kʉ veene. Fye nambe ʉMataayi mʉ vʉtengʉlɨlo vwa kɨtabu ɨkɨ atalile kulemba ɨkɨsina kya Yesu. Mʉ kɨtabu ɨkɨ ʉMataayi ijova kuuti kukilila ʉYesu Kɨlɨsite sivombiike sooni sino valyajovile avavɨli mʉ Lʉfingo ʉLʉkʉʉlʉ. Kange, ʉMataayi isimilisia kuuti ʉVʉtwa vwa kʉkyanya vwa vaanhu va ɨɨsi sooni vano vamwɨtiike ʉYesu Kɨlɨsite.
Ɨkɨtabu ɨkɨ kuhʉma kʉvʉtengʉlɨlo kuhanga kufika kʉvʉsililo kɨkʉtʉvʉʉla imhola isa Yesu, kutengʉlɨla kuholua kwa mwene, kukwofughua na kughelua nʉ Setano. Kange, kɨkʉtʉvʉʉla ɨmbombo jaake ɨja kʉpʉlɨsia, kuvʉlanɨsia na kusosia avaanhu kʉ Galilaya. Kikwoleka imhola isa Yesu ye ihʉma kʉ Galilaya kufika kʉ Yelusalemu, na sino silyavombiike ʉmʉlʉngʉ ʉghwa vʉsililo mʉ vwʉmi vwake pa ɨɨsi apa. Ɨkɨtabu ɨkɨ kimalɨsia kukwoleka ɨmhola ɨja kʉkomelelua pa kɨkovekano na kusyʉka kwa mwene. Ɨkɨtabu ɨkɨ kimalɨsia nʉ lʉlaghɨlo ʉlʉvaha kʉ vɨtɨki na kupʉlɨsia avaanhu va mʉ ɨɨsi sooni kuuti vavisaghe vavʉlanɨsɨvua va Yesu.
Voafantina amin'izao fotoana izao:
Mataayi Ɨmhola ɨndongosi: wbi
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© (Active), Wycliffe Bible Translators, Inc. All rights reserved.