GENESIS 13
13
Abranmanta Lot rakikusqanmanta
1Egiptomantam Abram rirqa Neguev lawman warminwan kuska llapa imankunatapas aparikuspan, paykunawantaqmi rirqa Lotpas. 2Abranmi apullaña karqa, kapurqam animalninkunapas chaynataq qori-qollqepas. 3Neguev lawmantam kutirqa ñawpaq karpan sayachisqan Betelkama, chay sitioqa karqa Betel llaqtapa hinaspa Hai llaqtapa chawpinpim. 4Chaypimá ñawpaqta altarta rurarqa. Chaypim Tayta Diosta Abram mañakurqa.
5Abranwan puriq sobrinon Lotpapas kapurqam ovejankuna, vacankuna hinaspa karpankuna. 6Chaymi kuska *f**yachanankupaq allpa mana hayparqañachu animalninku achka kasqanrayku, manataqmi huk hawaqllapiqa yachayta atirqakuñachu. 7Abrampa animalnin michiqkunam Lotpa animalnin michiqkunawan liriaqku. Chaypitaqmi yacharqaku Canaan runakunapas chaynataq Ferez runakunapas. 8Chaymi Lotta Abram nirqa:
—Amayá lirianakuyqa kachunchu ñoqanchikpiqa nitaq michiqninchikkunapipas, ñoqanchikqa ayllupuram kanchik. 9Kayqaya kay allpaqa kachkan ñawpaqnikipi. Ruegakuykim ñoqamanta rakikunaykipaq. Ichoq lawman riptikiqa ñoqam risaq alleq lawman otaq alleq lawman riptikiqa ñoqam ichoq lawman risaq —nispa.
10Chaymi Lot qawarirqa Jordan Mayupa enteron qechwanta, rikurqataqmi chay sitioqa Tayta Diospa huertan hina Zoar llaqtachakama yakuyoq kasqanta. Egipto allpamanmi rikchakurqa. Chaynaqa karqa Sodoma llaqtatawan Gomorra llaqtata Tayta Dios manaraq purmarachichkaptinmi. 11Lotmi akllakuykurqa kikinpaq lliw Jordan Qechwata. Lotmi pasakurqa intipa qespimunan lawman, chaynatamá rakinakururqaku. 12Abranmi *f**yacharqa Canaan allpapi, Lotñataqmi yacharqa chay qechwapa llaqtankunapi Sodoma lawman karpankunata suchuchistin. 13Sodomapi kaq runakunaqa karqaku llumpa-llumpay huchasapa mana allin runakunam, Tayta Diospa contranpim huchallikuqku.
14Lot pasakuptinmi Abramta Tayta Dios nirqa:
—Maymi kasqaykimanta qawariy norte lawtawan surlawta hinaspa intipa qespimunan lawtawan intipa seqaykunan lawta. 15Llapallan kay allpa qawasqaykitam qanmanwan miraynikikunaman qosqayki wiña-wiñaypaq. 16Allpapa ñutunta hinam miraynikita mirachisaq. Manam pipas allpapa ñutuntaqa yupayta atinmanchu chaynataqmi miraynikipas mana yupay atina kanqa. 17Qawamuy chay allpapa largontawan anchonta, chay allpatam qosqayki —nispa.
18Chaymi Abram karpanta apaspan *f**yacharqa Hebron llaqtapa hichpanpi otaq Mamre sutiyoq runapa encina sachankunapa kasqanpi, chayqa kachkan Hebron llaqtapa hichpanpim, chaypim huk altarta rurarqa Tayta Diosta adorananpaq.
Voafantina amin'izao fotoana izao:
GENESIS 13: QUEAYA87
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra