Psalms 122
122
psalm CXXII
Tuin: St Paul
1Fu’ fain was I, when folk did cry,
“To God’s Hoose let us gang”;
2Jerusalem, thy yetts athin
Oor feet sal stand or lang.
3Jerus’lem a’ is biggit braw,
A toon set by its lane;
4To thee there maun come ilka clan,
That’s o’ Jehovah’s ain;
The trystin’‐place o’ Israel’s race,
To God’s name laud to gie;
5Set there in sicht the thrones o’ richt,
E’en thrones o’ Dauvid, be.
6Pray that Jerusalem may be
Fu’ lown, and aye be seil;
For nocht sal fa’ but gude on a’.
That wiss Jerus’lem weel.
Sae wad I wiss athin thy wa’s
That lown may siccar be;
7And e’en that a’ thy biggin’s braw
Hae aye prosperitie.
8For sake o’ freends and brithers there,
“Lown loe thee,” I maun pray;
9And for that there’s God’s Hoose o’ Prayer
I’ll seek thy gude alway.
Voafantina amin'izao fotoana izao:
Psalms 122: SCOMP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Metrical Psalms in Braid Scots, translated by Rev. T. T. Alexander published in 1928. This text is maintained by MissionAssist.