SAN MATEO 5
5
Jesús apkeltenneykha néten egkexe
1Xama axta apwet'a apxáma énxet Jesús, apchánteyk axta néten egkexe, aphakmek axta m'a. Apya'aweykxeyk axta apkeltámeséyak aphakxa Jesús, 2keñe axta apchénawo apkelxekmóso Jesús énxet'ák. Aptahak axta apkeltenneykha s'e:
Ekmámnaksoho apkeleñémo énxet
(Lc 6.20-23)
3“Kéleñémo agko' kéxegke kéltaha nak kélyekpelchémo kéltaha mékoho nápakto' Dios, hakte kéxegke kéltaha kélpáxakxo m'a aptémakxa nak Wese' apwányam Dios.
4“Kéleñémo agko' kéxegke kéltaha nak elyakhápeykha kélwáxok,#Is 57.18; 61.2. hakte Dios sat egkések eltakmelwayam kélwáxok.
5“Kéleñémo agko' kéxegke kéltaha nak megkeymáxkoho kélwáxok,#Sal 37.11. hakte kólxawak sat ma'a xóp appagkanchesama axta egkések Dios.
6“Kéleñémo agko' kéxegke kéltaha nak kélmámenyého kélagko' kóllának Dios apmopmenyého,#Pr 9.5; Is 55.1-2. hakte Dios sat esawhaksohok elanaksek kéxegke xa.
7“Kéleñémo agko' kéxegke kéltaha nak apmopyósa kóllanok kélmók: hakte kélyósekak sat nahan elanok Dios kéxegkáxa.
8“Kéleñémo agko' kéxegke kéltaha nak eyáxñeyo kélwáxok#Sal 24.3-4. hakte kólwetágwók sat kéxegke Dios.
9“Kéleñémo agko' kéxegke kéltaha nak kéltakmelchesáseykekxa apwáxók kélmók#Pr 12.20. hakte Dios sat eltehek apketchek apancha'awók kéxegke.
10“Kéleñémo agko' kéxegke kéltaha nak kéllegeykegkoho kélmenxeneykha eñama kéllané m'a apkeltémókxa nak kóltehek Dios,#1 P 3.14. hakte kéxegke kéltaha kéleñama m'a aptémakxa nak Wese' apwányam Dios.
11“Kéleñémo agko' kéxegke kéltaha enxoho kélwanyeykha, tén han ma'a kéltawásegkoho enxoho, tén han ma'a kélxénáxko enxoho aksa, cham'a ekxámokxoho ektémakxa nak amya'a megkamámnaksoho, ko'o eñamakxa.#1 P 4.14. 12Kalpayhekxa agko' kélwáxok, hakte kólxawak sat aksok kélxawé naksa m'a néten ektaha nak ekyawe agko'. Axta temék nahan kélmenxeneykencha'a Dios appeywa apkellegaso apheykencha'a axta nano', meykexa axta kéxegke.#2 Cr 36.16; Hch 7.52.
Yásek tén han elseyexma keso náxop
(Mr 9.50; Lc 14.34-35)
13“Kéxegke kélteme yásek keso náxop, massék agkok ektémakxa nak ekmáske yásek ¿Háxko katnehek katépekxak makham ekmáske? Kamaskok kélmeyncha'a, neyseksa ámay aksa kólchexa', keñe elteyammaha énxet'ák.#Mr 9.50; Lc 14.34-35.
14“Kéxegke kélteme elseyexma keso náxop,#Jn 8.12; 9.5. apyetneyk agkok xama tegma apwányam néten egkexe, makhawók kólwetho'. 15Megkólálewaksek nahan chálewaso yakwayam kólpekkenek kóneg yántéseksek; wánxa aksa kólchexnek ma'a néten,#Mr 4.21; Lc 8.16; 11.33. yakwayam enxoho kalsaksexma aphágkaxa énxet kañe' tegma. 16Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák,#1 P 2.12. cham'a ekwetáxko enxoho kéltémakxa ektakmela kéxegke.
Jesús apkelxekmóso ektémakxa segánamakxa
17“Nágkaxén aksa kélwáxok sekwa'a ko'o yakwayam amasésak ma'a ektémakxa nak segánamakxa tén han ma'a ektémakxa axta apkelxekmóso énxet'ák apkellegaso axta Dios appeywa; maxegakmok ko'o yakwayam amasésak xa, wánxa agkok emenyék eyke apeykesásekxak ekmámnaksoho ektémakxa xa. 18Nakso' sektahakxa nak sekpeywa seláneya kéxegke, agkok kamassak makham néten tén han megkamassa enxoho makham keso náxop, megkólmaseksek xama ektáxama m'a eknaktáxésamaxche nak segánamakxa, megkólmaseksek xama enxoho m'a ekyókxoho ektáxésamaxche nak ekweykmoho ektaha m'a ekxámokxoho aksok peya nak katnehek.#Lc 16.17. 19Kéxegke ektahakxa enxoho megkólyaheykekxoho nekha ekxeyenma xa segánamakxa nak, ketsék eykhe katnehek, tén han megkólxekmósa enxoho énxet yakwayam elyahakxoho, kónegók sat kóltemésesek ma'a aptémakxa nak Wese' apwányam Dios, keñe m'a énxet ektaha nak apkelyaheykekxoho tén han ma'a ektaha nak apkelxekmósamo apnámokkok, ekha kéláyo sat kóltemésesek ma'a aptémakxa nak Wese' apwányam Dios. 20Ektemék seláneya kéxegke xa, agkok kólyeykhágwokmohok kéxegke m'a énxet'ák apkelxekmóso nak ektémakxa segánamakxa, tén han ma'a énxet'ák fariseos eñama kéllané m'a ekpayhawo nak kóllának nápakto' Dios, megkólántaxnegwomek sat ma'a aptémakxa nak Wese' apwányam Dios.
Jesús apkeltenneykha ektémakxa nenlo
(Lc 12.57-59)
21“Kéllegayak kéxegke ektéma axta amya'a apkeláneymakpo kélyepmeyk nano' kéxegke s'e: ‘Nágyakha aksa pók,#Ex 20.13; Dt 5.17. hakte énxet ektahakxa enxoho apchakhe pók esexnánékpok sat.’ 22Wánxa agkok, ektahak ko'o seláneya kéxegke s'e: kéxegke ektahakxa enxoho kéltaknagko kélyáxeg, kólsexnánéxchek sat, keñe sat ma'a ektahakxa enxoho kélwanyeykha kélyáxeg, kólyekpelkohok sat nápakta'awo' énxet'ák ekyawe nak kéláyo; keñe kéxegke kéltaha nak kélyeykáseykhaxma kélyáxeg, kapayhohok sat yakwayam kólmahagkok ma'a megkaspóneykxa nak táxa.”
23“Xénwokmek agkok kélwáxok apyetna xama énxet megkaleklo apwáxok kéltahakxa kéxegke, cham'a kélsawa enxoho aksok yakwayam kólmések Dios ma'a ekwatnamáxchexa nak cha'a aksok, 24kólyensem aksa sekxo' aksok yakwayam kólmések Dios ma'a meteymog ekwatnamáxchexa nak aksok, kólyo'ókxa sekxo' kélyáxeg yakwayam kapayhekxak apwáxok xamo' kéxegke, keñe sat kólewának kólmeyekxak makham ma'a meteymog ekwatnamáxchexa nak cha'a aksok, keñe sat kólmések aksok ma'a Dios.
25“Peyk agkok kólya'aksek kéxegke nápakta'awo' segyekpelchémo yakwayam kóltehek kélyekpelchémo, kóllenxánem sekxo' katakmelekxak kélpakmeyesma, cham'a megkólya'asa enxoho makham sẽlyekpelchémokxa, yakwayam enxoho megkólyentemek ma'a aphakxa nak segyekpelchémo, egkések katnehek énxet segyekpelchémo sẽlpextétamo, keñe sẽlpextétamo exatmok kéxegke kañe' negmomaxchexa. 26Megkólántépekxék sat kéxegke m'a ekwokmoho kélsawhawo selyakye kélagkok kélyanmagkaso. Nakso' xa sektahakxa nak seláneya kéxegke.
Jesús apkeltenneykha ektémakxa nentawáseykha sẽlyamhopma
27“Kéllegayak axta kéxegke ektéma amya'a s'e: ‘Nágkóltawasha elyamhápeyak.’#Ex 20.14; Dt 5.18. 28Akke ektahak ko'o seláneya kéxegke s'e, kéxegke ektahakxa enxoho kélanyo kelán'a yetlo kélmáheyo kélagko' kóltemésesamhoxma, kéltawáseyha elyamhopma kañe' kélwáxok.
29“Kélánesek agkok megkólya'asáxma kélaktek ekpayhókxa nak kélya'asamakxa, kóllek, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.#Mt 18.9; Mr 9.47. 30Kélánesek agkok megkólya'asáxma kélmek ekpayhókxa nak kélya'asamakxa, kólyaktén, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.#Mt 18.8; Mr 9.43.
Jesús apkeltenneykha ektémakxa negyamasma entáwa
(Mt 19.9; Mr 10.11-12; Lc 16.18)
31“Temegkek axta anhan amya'a s'e: ‘Kéxegke ektahakxa enxoho kélyamasma kéltáwa, kéméxchek kólmések weykcha'áhak ekxeyenma nak negyamasma entáwa m'a kéltáwa.’#Dt 24.1-4; Mt 19.7; Mr 10.4. 32Wánxa agkok, ektahak ko'o seláneya kéxegke s'e: kélyenyókek agkok kéltáwa kélxama megkatnaha enxoho elánegwayam pók énxet, kéxegke kélagko' katnehek kéltémo katwasha elyamhopma; kélmákxeyk agkok nahan kelán'a ekyamasma nak atáwa, kéltawáseyha elyamhopma.#Mt 19.9; Mr 10.11-12; Lc 16.18; 1 Co 7.10-11.
Jesús apkeltenneykha ektémakxa nenteméseso ekmámnaksoho nápakto' Dios
33“Kéllegayak axta kéxegke ektéma apkeláneymakpo kélyepmeyk nano' se'e: ‘Kólsawhoho sat kóllának ma'a kéltemésesa axta nakso' yakwayam kóllána' nápakto' Dios.’#Lv 19.12; Nm 30.2; Dt 23.21. 34Wánxa agkok, ektahak ko'o seláneya kéxegke s'e: Nágkólteme aksa kéltemésesa enxoho ekmámnaksoho kélpeywa s'e ektaha nak. Nágkólxén aksa ektaha ekweteykegkoho néten kéltemésesa enxoho ekmámnaksoho kélpeywa, hakte Dios aphamakxa m'a; 35nágkólxén nahan ektaha ekweteykegkoho xóp, hakte Dios apkelteyammomakxa xa;#Is 66.1; Mt 23.22; Stg 5.12. nágkólxén nahan ektaha ekweteykegkoho m'a Jerusalén, hakte Wese' apwányam tegma apwányam apagkok ma'a.#Sal 48.2. 36Nágkólxén aksa ektaha ekweteykegkoho kélpátek, hakte megkólwanchek kóltemesásekxak kéxegke xama kélwa' ekmopé, ekpeysyam esenhan. 37Kéltemék agkok kélpeywa ‘ehay’, kólteme nakso' ‘ehay’; kéltémék agkok nahan kélpeywa ‘ma'’, kólteme nakso' ‘ma'’, hakte negyepetchesek agkok nenxeyenma mók aksok, kelyekhama' keñamak ma'a.
Jesús apkeltenneykha ektémakxa neghésamo mók sẽltemésesakxa
(Lc 6.29-30)
38“Kéllegayak axta kéxegke ektéma amya'a s'e: ‘kéllekesek agkok apaktek kélmók, payhawók kéxegkáxa kóllekkesek kélaktek, kélentásesek agkok nahan apma'ák kélmók, payhawók kéxegkáxa kólentásesek kélma'ák.’#Ex 21.24; Lv 24.20; Dt 19.21. 39Wánxa agkok, ektahak ko'o seláneya kéxegke s'e: Nágkólenmexekxa aksa kéltemésesakmoho enxoho exma; wánxa agkok, kéltekpagkasek agkok kélmáxempenek, kólmés nahan ma'a mók kélmáxempenek.#Lm 3.30. 40Kélmokók agkok kólyentamok nápakta'awo' énxet'ák segyekpelchémo, kélmoko enxoho kólyementók kéltaxno, kólho anhan kólsók chésama yegmen kélagkok. 41Apkeltamhok agkok kólsókasek apseykha énxet ekweykmoho xama kilómetro, kólwagkasho m'a ektahakxa nak ánet kilómetros. 42Kélmaxneyáxchek agkok aksok kélagkok, kólmés; apmokók agkok emha aksok kélagkok xama énxet, kólmásesha.
Jesús apkeltenneykha ektémakxa negásekhayo egmók senmexeykha nak
(Lc 6.27-28,32-36)
43“Kéllegayak axta nahan kéxegke ektéma amya'a s'e: ‘Yásekhoho pók#Lc 19.18. etaknaw ma'a ektaha nak apkenmexeykha.’ 44Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke. 45keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak. 46Kélásekha'awók agkok aksa kéxegke m'a apkelásekhayókxa nak kéxegke, megkólxakyek sat aksok kélxawé naksa kéltaha enxoho xa. Hakte weykmók nahan aptamhéyak énxet'ák apchánchesáseykekxohol'a selyakye wese' Roma xa ektaha nak. 47Kélpeykesek agkok aksa wánxa m'a kélyáxeg nak, hawók nahan apkeltémakxa apyókxoho énxet xa. Weykmók nahan aptamhéyak ma'a énxet'ák apkelya'áseyam nak Dios. 48Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.#Lv 11.44-45; 19.2; Dt 18.13.
Voafantina amin'izao fotoana izao:
SAN MATEO 5: LEGN
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Lengua Sur (Enxet) New Testament © United Bible Societies, 1992.
