Mark 3

1Khatvei synagogue ah a pai leh a khut teem mi khat a na om hi. 2 Amaute lakah pawlkhat in Jesu a mawhmat nading uh zongin, tua mipa Sabbath ni-in a damsak kha hiam, ci-in a vil gige uh hi. 3 Jesu in khutteem pa kiangah, "Mi khempeuh mai-ah ding dih in," ci-in a sawl hi.#Mk 1:21

4 Tua ciangin Jesu in amaute kiangah, "Sabbath ni-in a sia hih ding le a pha hih ding, nuntakna hot ding le thah ding, koi pen thukham tawh kituakzaw hiam?" ci-in a dong hi. Ahi hangin amaute a dai khipkhep uh hi.

5 Amah hehin akim apam en-a, amaute lungkhauhna hangin lungdong ngeungau-a khutteempa kiangah, "Na khut zan in," ci-in a sawl hi. Amah in a khut a zan leh, a sa dim kikin a damsiang kiuhkeuh hi. 6 Tua ciangin Pharisee-te paikhia uh a, Jesu a thah theih nadingun Herod pawlte tawh a geelsim uh hi.#Mt 12:9; Mk 12:13

Mihonte in Jesu Zui

7 Jesu a nungzuite tawh tuilipi lamah kihemkhia uh a Galilee panin mihon tampi in a zui uh hi. 8 Amaute in ama hihte khempeuh a zak uh ciangin Judea, Jerusalem, Idumea le Jordan gungal kual teng le Tyre le Sidon kima gamte panin mi tampi in amah a zuan uh hi. 9 Mihonpite in amah a nehcip gawp khak loh nadingin gunkuang khat kigingsa-a a koih nadingun Jesu in a nungzuite kiangah a gen hi. 10 Ahang in, amah in mi tampi damsak khin ahi manin a cina laite in amah lawng nuamin mailam a phu tentan uh hi. 11 Amah kha gilote a#3.11 Greek ah nin tg.30 ah zong. in a muh peuhpeuh uh ciangin a mai-ah bokin, "Pasian Tapa na hi hi," ci-in a kiko uh hi. 12 Ahi hangin amah kua hiam, cih a gen loh nadingun amaute thukhauh a pia hi.#Mk 1:23-25

Sawltakpi Sawm-le-nihte Za Pia

13 Jesu mualtung lamah kahto a, ama deihte a kiangah samin amaute in amah a zuan uh hi. 14 Amah in sawm-le-nihte sehkhia-a, sawltakpi, b#3.14 Khutgelh pawlkhat ah Sawltakpite ci-in minvawh hi, cih nei lo ci-in a minvawh hi. Tua in amaute ama kiangah a om theih nading, thu hilh ding le 15 dawite hawlkhiat theihna thuneihna nei-a a sawlkhiat theih nading ahi hi. 16 A sehkhiat sawm le nihte hih teng ahi hi: Simon (Peter min a phuah); 17 Zebedee tapa James le a sanggampa John (Vanging Tapate cih nopna in amau unau Boanerges, ci-a min a phuah); 18 Andrew, Philip, Bartholomew, Matthew, Thomas, Alphaeus tapa James, Thaddaeus, Zealot pawl-a Simon 19 le amah lehhekpa Judas Iskariot-te ahi hi.#Mt 10:1

Jesu le Beelzebub

20 Tua ciangin Jesu inn khatah luta mihonpite va kikhawm leuleu uh ahi manin amah le a nungzuite in an nangawn a ne thei kei uh hi. 21 A innkuanpihte in hih thu a zak uh ciangin, "Amah a lungmawk ahi hi," ci-in a kemcing dingin a pai uh hi.#Mk 6:31; Jn 10:20

22 Jerusalem pana paisuk thukham siate in, "Ama sungah Beelzebub c#3.22 Greek ah Beezebul ahikeh Beelzeboul lut hi! Amah in dawimangpa suangin dawite a hawlkhia hi," a ci uh hi.#Jn 10:20-21

23 Tua ahi ciangin Jesu in amaute samin gentehnate zangin amaute kiangah thu gen a, "Bangci bangin Satan in Satan hawlkhia thei ding ahi hiam? 24 Amah le amah kilangpanga a kikhenthang kumpi-gam a kip kei hi. 25 Amah le amah kilangpanga kikhenthang innkuan a kip kei ding hi. 26 Tua ahi ciaingin Satan, amah le amah kilangpangin kikhenthang leh a kip kei ding hi; ama beina a tung ta hi. 27 A taktak in mi khatpeuh in mihatpa hencip masa loin tuapa inn sungah lutin a neihsa bangci puakkhiatsak thei ding ahi hiam? A hencip khit ciangin a inn a luh thei pan ding hi. 28 Thutak kong geninah, mite mawhnate khempeuh le Pasian gen dainate khempeuh kimaisak ding hi. 29 Ahi hangin Khasiangtho a gendai peuhmah a kimaisak ngei kei ding hi; amah tawntung khialhna ah a mawh hi," a ci hi.

30 Amaute in, "Amah in kha gilo nei hi," a cihna uh hangin amah in hih thu a gen hi.

Jesu Nu le a Sanggamte

31 Tua ciangin Jesu nu le a sanggamte a tung uh hi. Amaute innpua ah ding uh a, amah sam dingin inn sungah mi khat a sawl uh hi. 32 A kimkotah mihonpi tu uh a, amaute in ama kiangah, "Na nu le na sanggamte nang hong zongin inn pua-ah om uh hi," ci-in a hilh uh hi.#Lk 8:19

33 Amah in, "Ka nu kua hi a, ka sanggamte kua ahi hiam?" ci-in a dong hi.

34 Tua ciangin amah in a kimkot-a tute en a, "Hih lai-ah ka nu le ka sanggamte a om uh hi! 35 Pasian deihna a hih peuhpeuh ka sanggampa, ka sanggamnu le ka nu ahi uh hi," a ci hi.#Mt 12:46

Voafantina amin'izao fotoana izao:

Mark 3: ZIV

Asongadina

Hizara

Dika mitovy