Acts Iḷitchuqqutit
Iḷitchuqqutit
Acts iḷaurut uqalugiksuanun Luke aglaaŋiññun. Aglaŋagaich quliaqtuaġukługi Jesus maliġuaqtiŋisa siamitchiñiŋat, quliaqtuanik ilaagun Jerusalem-mi, iluqaagni Judea-miḷu Samaria-miḷu, suli isuŋiññun nunapayaam. Quliaqtuaguruq ukpiġniaqtuat igliġniŋatigun isagutiqqaaġmata Jew-guruat aasii nauvluni nunapayaamun. Aglaktuam kaŋiqsimmaġiksaaquŋagaich ukpiġniaqtuat anayasaaqłiŋisilaaŋat Rome-miut umialgutaannik suli ukpiġutaat taŋŋiutautilaaŋa Jew-guruat aŋaiyyuliqutaannun.
Acts piŋasuutchumiñaqtuq agliiññaġniŋatigun quliaqtuat Jesus-kun suli aŋaiyyuvium isagutiniŋagun: 1) aullaqiqqaaġniŋatigun ukpiġniaqtuat Jerusalem-mi Jesus mayuurrauganiŋman; 2) siaminniŋat Palestine-mi; 3) suli taputiniŋich nunat Mediterranean-ni Rome-muaglaan.
Nuimaruq Acts-mi savagniŋa ilitqusiġiksuam, suamaruq ullautiruaq ukpiġniaqtuanun Jerusalem-mi uvluani Pentecost suli aullarriruq suaŋŋatiqaqtitchiruġlu aŋaiyyuvigmik, aullarriŋiññiglu. Tusaaraksraq taimaŋŋa quliaqtuaguruq qavsiñi alġaqsruutini, suli quliaqtuaguruat Acts-mi qiñiqtitkaa suaŋaniŋa tusaaraksram iñuusiŋisigun ukpiġniaqtuat suli aŋaiyyuviuruat.
Avgutit
Itqanaiyautit 1.1-26
a. Jesus aqulliq pitqutaa unniqsuqłiisaalu 1.1-14
b. Judas akiaġutaa 1.15-26
Tilirauruat savaaŋich Jerusalem-mi 2.1—8.3
Tilirauruat savaaŋich Judea-miḷu Samaria-miḷu 8.4—12.25
Paul savaaŋich 13.1—28.31
a. Aŋaiyyuliqsiuyyaqqaaġniŋa 13.1—14.28
b. Kasimaruat Jerusalem-mi 15.1-35
c. Tuglia aŋaiyyuliqsiuyyaġniŋata 15.36—18.22
d. Piŋayuat aŋaiyyuliqsiuyyaġniŋiksa 18.23—21.16
e. Paul tigutaaqtauniŋa Jerusalem-mi Caesarea-mi Rome-miḷu 21.17—28.31
Voafantina amin'izao fotoana izao:
Acts Iḷitchuqqutit: INUPIAQ
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)