MATIUS 5
5
Ha' tebaraa' éh benara' Yésus tong tokong
1Hun Yésus na'at kelunan pinaa' nah, tai éh bau tokong sinah éh menyun. Kekat irah bakéh néh petipun ngan néh sinah, 2boh éh nebaraa' réh, ka' ha' néh,
Tong kelunan éh murung kenin
(Luk. 6:20-23)
3Murung kenin kekat kelunan éh Nesen ngan juk pitah Allah,
omok réh tai ngan Allah hun néh tuai pengeja'au ngan mihau kekat kelunan.
4 #
Yes. 61:2
Murung kenin kekat kelunan éh besau kenin,
Allah omok papung réh kepéh.
5 #
Msm. 37:11
Murung kenin kekat kelunan éh diva' kenin,
omok réh alaa' éh pejajii' Allah.
6 #
Yes. 55:1, 2 Murung kenin kekat kelunan éh mekat kivu pengeloo' Allah,
Tuhan Allah omok pesukup éh pengeloo' réh kepéh.
7Murung kenin kekat kelunan éh jam masi kelunan,
Allah omok masi irah kepéh.
8 #
Msm. 24:3, 4 Murung kenin kekat kelunan éh ni'ai kenin,
irah omok jam Allah.
9Murung kenin kekat kelunan éh jam ngejian kenin irah éh jah,
Allah omok mateng réh anak néh.
10 #
1 Ptr. 3:14
Murung kenin kekat kelunan éh keta uban néh maneu' pengeloo' Allah,
omok réh tai lem nihau Allah, ha' néh.
11 #
1 Ptr. 4:14
Murung kenin keh hun kelunan ngesa'at keh ngan peketa keh, ngan ngesa'at ngaran keh uban keh pu'un kivu Akeu'. 12#2 Taw. 36:16, Peng. 7:52 Murung ngan bahuu' Kenin Keh, uban ja'au mu'un oléé' néh ngan keh tong seruga. Kekat irah nabi sahau rai péh kenat ke' réh peketa réh.
Tong usen ngan tong rema
(Mrk. 9:50, Luk. 14:34-35)
13 #
Mrk. 9:50, Luk. 14:34-35 La'ah ka'ah iteu' barei' usen tong tana'. Usen nah méé éh, bang hun néh mabah, bé' lu' omok pekeméé' éh kepéh. Bé' éh pu'un gunah kepéh, nebet ngan tejat kelunan awah éh.
14 #
Yoh. 8:12, 9:5 La'ah ka'ah barei' jah rema tong tana'. Lamin éh neu' réh bau tokong bé' éh omok pelim. 15#Mrk. 4:21, Luk. 8:16, 11:33 La'ah kelunan éh seket pelita' néh, bé' éh modoo' éh ra' tekup, bang néh modoo' éh bau retek éh pejing, dokoo' kekat kelunan éh pu'un tong lamin inah pu'un nawa. 16Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.
Yésus nebaraa' réh tong sohoo' lem Surat Musa
17Mai keh seruh Akeu' tuai uban Ké' juk bet sohoo' lem Surat Musa ngan bet ha' tebaraa' irah nabi sahau rai. Bé' Akeu' tuai kenat, bang Akeu' tuai dokoo' ké' pesukup éh. 18Akeu' bara' ngan keh, kelebéé' langit ngan tana' iteu' pu'un keto, jah ineu'-ineu' péh sohoo' Tuhan lem Surat Musa, na' péh éh si'ik awah, bé' éh omok nebet awah pah avéé' hun Tuhan pesukup kekat pengeloo' Néh éh lem sohoo' Néh inah. 19Uban néh kenat séé'-séé' éh ngelapah tong jah sohoo' Tuhan, na' péh éh si'ik awah, hun néh ngelapah éh, ngan nebaraa' kelunan éh jah ke' réh ngelapah éh kepéh, kelunan inah éh matek si'ik mu'un belah irah éh pu'un lem nihau Tuhan hun Néh tuai pengeja'au. Bang séé'-séé' éh kivu sohoo' lem Surat Musa ngan nebaraa' kelunan éh jah maneu' kenat kepéh, kelunan inah éh matek ja'au mu'un belah irah éh pu'un lem nihau Allah hun néh tuai pengeja'au. 20Akeu' bara' mu'un ngan keh, hun penganeu' keh bé' pelapah teneng jin kekat penganeu' irah guru éh nebaraa' keh tong sohoo' lem Surat Musa, ngan jin penganeu' irah éh kivu adet Parisi, adang keh bé' omok tai lem nihau Allah, ha' Néh.
Tebaraa' tong kelunan éh merek
21 #
Kel. 20:13, Ula. 5:17 Ha' Yésus kepéh, Ka'ah jam ha' tebaraa' kelunan sahau, ka' éh, Mai keh mematai kelunan, séé'-séé' éh mematai kelunan adang néh teneng ukum. Kenat ha' tebaraa' réh sahau. 22Bang iteu' éh ha' Ké' ngan keh hun iteu' kepéh, séé'-séé' éh merek ngan padéé' néh adang iah teneng ukum. La'ah séé'-séé' éh bara' ngan padéé' néh, putau ka'au', pu'un réh mihin éh tai jumen Komiti sebayang Yahudi, ngan séé'-séé' éh bara' padéé' néh tuleu', tekep éh mavaa' uban neu' ha' néh kenat, tekep iah nebet tai lem luten meraka. 23Uban néh kenat hun keh juk mihin pengena' keh ngan mena' éh tong jalan keh tavin Tuhan, boh keh nesen padéé' keh sa'at kenin ngan keh, 24jian keh modoo' pengena' keh nah déhéé' jalan tavin Tuhan nah, tai jak keh ngejian kenin padéé' keh nah, la'o inah boh keh tuai ngan mena' pengena' keh iri' ngan Allah, ha' Néh.
25Ha' Yésus kepéh, Hun pu'un kelunan pesala' keh ngan mihin keh tai besara', jian keh ngebakéh éh kelebéé' keh omok ngebakéh éh keto, dai hun keh avéé' tong lamin besara', adang iah mena' keh ngan lakei' ja'au éh ngukum réh, kelunan inah kepéh mena' keh ngan irah éh mavaa' lamin tutup ke' réh masek keh lem lamin inah. 26Akeu' bara' mu'un ngan keh, bé' keh omok musit jin sinah pah avéé' keh mena' kekat rigit tong ukum keh nah, ha' Néh.
Tebaraa' tong nuyang
27 #
Kel. 20:14, Ula. 5:18 Ha' Yésus kepéh, Ka'ah jam ha' tebaraa' réh sahau, Mai keh petuyang, ha' réh, 28Bang iteu' éh ha' ké' ngan keh hun iteu' kepéh, séé'-séé' éh magat na'at redo ngan juk tai pemung ngan néh, pu'un éh lepah petuyang dalem kenin néh tenéh. 29#Mat. 18:9, Mrk. 9:47 La'ah hun maten keh saa' na'au' mihin keh maneu' penyala', jian keh nirok ngan bet éh, pelapah jian jebila' maten keh nah pega' jin usah keh ketem lo'ong nebet Tuhan dalem luten meraka. 30#Mat. 18:8, Mrk. 9:43 Kenat péh hun néh ojoo' keh saa' na'au' éh mihin keh maneu' penyala', jian keh mugen éh ngan bet éh, pelapah jian jebila' ojoo' keh pega' jin usah keh, jin néh ketem lo'ong usah keh nebet Tuhan dalem luten meraka, ha' Néh.
Tebaraa' tong irah éh kawin ngan petat
(Mrk. 10:11-12, Luk. 16:18)
31 #
Ula. 24:1-4, Mat. 19:7, Mrk. 10:4 Ha' Yésus kepéh, ka' ha' réh sahau rai, séé'-séé' lakei' éh petat jin redo néh, jian iah mena' surat bara' éh petat ngan do néh, ha' réh. 32Bang iteu' éh ha' Ké' ngan keh hun iteu' kepéh, Kelunan séé'-séé' éh petat jin redo néh, hun redo inah bé' nuyang, bang lakei' néh nah awah éh bet éh, boh redo éh nebet néh nah tai alaa' kelunan éh jah, lakei' éh bu'un nah éh maneu' éh petuyang. La'ah lakei' éh alaa' redo inah, iah péh petuyang ke' éh kepéh, ha' Néh.
Tebaraa' tong pesupa
33 #
Ima. 19:12, Bil. 30:2, Ula. 23:21 La'ah ha' Yésus kepéh, ka' ha' réh sahau rai de', Ineu'-ineu' éh pejajii' keh ngan ha' supa, mai keh bet éh, ngan ineu'-ineu' éh pejajii' keh mu'un tong jumen Tuhan, jian keh kivu éh kepéh, ha' réh rai. 34#Yak. 5:12, Yes. 66:1, Mat. 23:22 Bang iteu' péh ha' Ké' hun iteu' kepéh, Mai keh nyupa tong ha' ané keh ineu'-ineu' péh, mai keh nyupa palaa' langit, uban langit nah nyun Allah. 35#Yes. 66:1, Msm. 48:2 Mai keh nyupa palaa' tana', uban tana' nah apai gem Allah, kenat péh mai keh nyupa palaa' Yérusalem, uban Yérusalem nah leboo' Allah Raja' éh Maren. 36Mai keh nyupa palaa' ulun keh, uban ka'ah bé' pu'un penyukat maneu' ihat bok keh paléu' padeng ngan paléu' mebéng péh. 37Jian keh pané mu'un, bara' oo' hun néh oo' ngan bara' bé' hun néh bé', ineu'-ineu' éh nané keh hun néh tengéé' jin inah, pu'un éh jin iah éh sa'at awah, ha' Néh.
Tebaraa' tong mai mipa éh sa'at ngan kesa'at
(Luk. 6:29-30)
38 #
Kel. 21:24, Ima. 24:20, Ula. 19:21 Ha' Yésus kepéh, La'ah ka'ah jam ha' tebaraa' réh sahau, Maten ngeliwah jah maten ngan jipen ngeliwah jah jipen, ha' réh. 39Bang iteu' éh ha' Ké' ngan keh hun iteu', Mai keh mipa kesa'at kelunan éh ngesa'at keh. Hun kelunan pu'un tepap pinga keh saa' na'au', kejeraa' éh tepap jebila' kepéh. 40Hun pu'un kelunan mihin keh tai besara' ngan alaa' kerayung keh, kejeraa' éh alaa' seput keh kepéh. 41Hun pu'un kelunan éh nyohoo' keh patet éh ngan bii' livah néh memutui dau awah, jian keh tai avéé' jah batang dau. 42Hun pu'un kelunan éh menyat ineu'-ineu' ngan keh, jian keh mena' ngan réh. Hun réh menyat juk ngetiwa livah keh, jian keh ngetiwa éh, ha' Néh.
Tebaraa' tong mai mipa barék éh sa'at
(Luk. 6:27-28,32-36)
43 #
Ima. 19:18
Ha' Yésus kepéh, Ka'ah jam ha' tebaraa' réh sahau bara', Jian ke' murung padéé' ko' ngan leko tong ayau ko', ha' réh. 44Bang iteu' éh ha' Ké' ngan keh hun iteu' kepéh, Jian keh murung kekat ayau keh ngan sebayang menyat Tuhan pika irah éh peketa keh, 45dokoo' keh omok anak Tamen keh tong seruga. Uban Allah maneu' pétéé' tong kelunan éh sa'at kenat péh tong kelunan éh jian. Iah maneu' taa' tong kelunan éh maneu' teneng kenat péh tong irah éh maneu' sa'at. 46Hun keh pika kelunan éh pika keh awah, kineu', omok Allah mena' oléé' éh jian ngan keh neu' penganeu' keh éh kenat nah, kunah keh kei? Kenat ke' penganeu' irah éh alaa' sukai rai de'. 47Hun keh pebakéh ngan kelunan éh jian kenin ngan keh awah, kineu' iteu', bé' éh pekua' ngan penganeu' irah pinaa' nah ke' kei? Irah kelunan éh bé' jam Allah péh pu'un réh maneu' éh kenat. 48#Ima. 19:2, Ula. 18:13 Jian keh pika kekat kelunan barei' Tamen keh tong seruga pu'un pika réh, ha' Yésus nah.
Voafantina amin'izao fotoana izao:
MATIUS 5: PNT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia
