Tononkiran’i Solomona 8
8
1Enga anie ka ho tahaka ny anadahiko izay ninono tamin’Ineny ianao,
dia ho nahita anao teny alatrano aho ka ho nanoroka anao,
eny, tsy ho azon’olona noesoesoina aho.
2Dia hoentiko ka hampidiriko ho ao an-tranon’Ineny ianao,
ary ampianaro aho;
hampisotroiko divay noharoharoan-javamanitra
mbamin’ny ranon’ampongabendanitro ianao.
3Aoka hanondana ahy ny tanany havia,
ary aoka hamihina ahy ny tanany havanana.
(Olon-kafa?)
4Mampianiana anareo aho, ry zanakavavin’i Jerosalema:
Aza manaitra na mamoha ny fitiavana raha tsy efa sitrapony.
Mahery toy ny fahafatesana ny fitiavana
(Olon-kafa)
5Iza moa irỳ vehivavy miakatra avy any an-tany efitra,
mitehina amin’ny malalany?
(Ravehivavy)
Teo ambanin’ny hazo paoma no namohazako anao;
teo no niterahan’ny reninao anao,
eny, teo no nahararian’ilay niteraka anao.
6Ataovy toy ny tombo-kase ao am-ponao
sy toy ny tombo-kase eo an-tsandrinao aho;
fa mahery toy ny fahafatesana ny fitiavana,
masiaka tahaka ny fitoeran’ny maty* ny fahasaro-piaro;
ny lelafony dia lelafo midedadeda,
eny, lelafon’NY TOMPO.
7Na dia ny ony maro aza dia tsy afaka hamono ny afon’ny fitiavana,
ary na ny renirano aza dia tsy mahapaoka azy;
na dia misy olona manome ny fananany rehetra ao an-tranony aza hividianana fitiavana
dia hatao tsinontsinona izy.
(Olon-kafa)
8Manana zandry vavy tsy mbola misy nono izahay;
ahoana no hataonay amin’ny zandrinay vavy
raha tonga izay andro hangatahan’olona azy ho vady?
9Raha rindrimbe izy
dia hanangananay tilikambo volafotsy eo an-tampony;
fa raha varavarana kosa izy
dia hotampenanay hazo fisaka sedera.
(Ravehivavy)
10Rindrimbe aho, ary ny nonoko dia toy ny tilikambo.
Raha eo imasony dia toy ny efa mahita fiadanana aho.
(Ralehilahy)
11Nanana tanim-boaloboka tao Baala-Hamona i Solomona;
nahofany tamin’ny olona mpiandry voly io tanim-boaloboka io
ka samy tsy maintsy mitondra sekela volafotsy arivo ho solon’ny vokatra ao ny tsirairay.
12Ny tanim-boaloboko, eny, ilay an’ny tenako, dia eto anatrehako,
ny arivo kosa dia anao ry Solomona,
ary ny roanjato dia ho an’izay mpiandry voly.
13Ry mitoetra eny an-tsaha!
Te hihaino ny feonao ireo namako;
mba ampandreneso izany koa aho.
(Ravehivavy)
14Mandosira, ry malalako,
ary aoka ianao mba ho toy ny gazela na ny diera tanora
any an-tendrombohitry ny balisama.
Voafantina amin'izao fotoana izao:
Tononkiran’i Solomona 8: MRV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011