Nahoma INDRAY MIJERY
INDRAY MIJERY
Mpampahery na Mpampionona no dikan’ny anaran’ity mpaminany ity. Elkosita izy, avy any Elkosy, tanàna akaikin’i Lakisy.
Ny fotoana niasany dia teo anelanelan’ny taona 663 tal JK, izay nanafihan’ny Asiriana an’i Teba na No-Amona any Ejipta, sy ny taona 612 izay nandravan’ny Babiloniana an’i Ninive, renivohitr’i Asiria.
Ny votoatin’ny Boky
Ny Mpaminany dia manambara mialoha ny haharava an’i Ninive, renivohitr’i Asiria izay firenen-dehibe namoritra ny Israely. Tsy filazana ny zavatra ho avy fotsiny anefa izany fa fanambaràna ny fitsaran’Andriamanitra izay Tompon’ny firenena sady mitondra ny tantaran’izao tontolo izao.
I Ninive dia tanàna feno fireharehana, famonoana olona, fanaranam-po amin’ny filalaovan-dratsy sy fanompoan-tsampy. Izany toetran’ity tanàna ity izany dia toetra asehon’ny fitondrana izay tsy miorina amin’izay fototra eken’Andriamanitra ka tsy maintsy ho rava.
Ny firafitry ny Boky
Fitarihanteny izay manambara ny herin’Andriamanitra manapaka amin’ny voahary rehetra ary mitsara an’izao tontolo izao: 1.2-8
Fanambaràna mialoha ny hisehoan’izany herin’Andriamanitra izany, amin’ny handravana an’i Ninive sy ny hanafahany ny mponina any Joda: 1.9–2.3
Filazana amin’ny antsipirihany ny fandravana an’i Ninive: 2.4–3.19
Voafantina amin'izao fotoana izao:
Nahoma INDRAY MIJERY: MRV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011