Jaona 16:7-14

Fa milaza ny marina aminareo Aho; mahatsara anareo ny fialàko; fa raha tsy miala Aho dia tsy ho avy atỳ aminareo ny Mpananatra; fa rehefa mandeha Aho dia hirahiko ho atỳ aminareo Izy. Ary rehefa tonga Izy dia hampiaiky izao tontolo izao ny fahotana sy ny fahamarinana ary ny fitsarana: Ny fahotana, satria tsy mino Ahy izy; ny fahamarinana, satria mankany amin’ny Ray Aho ka tsy mahita Ahy intsony ianareo; ny fitsarana, satria ny andrianan’izao tontolo izao dia efa voatsara. Mbola manana zavatra maro holazaina aminareo Aho nefa tsy zakanareo izany ankehitriny. Fa rehefa tonga ny Fanahin’ny fahamarinana dia Izy no hitari-dalana anareo ho amin’ny marina rehetra; fa tsy hiteny avy amin’ny fahefan’ny tenany Izy, fa izay ho reny dia holazainy avokoa; ary ny zavatra ho avy aza dia hambarany aminareo. Izy hankalaza Ahy; fa handray avy amin’ny Ahy Izy ka hanambara izany aminareo.