Mpitsara 7:7-11

Hoy NY TOMPO tamin’i Gideona: Ny telonjato lahy izay nilelaka rano no hamonjeko anareo ka hanolorako ny Midianita eo an-tananao. Ny olona sisa rehetra kosa, aoka samy hody any amin’ny fonenany avy! Dia noraisin’ireo an-tanana ny vatsy izay teo amin’ny olona, mbamin’ny anjomarany. Ary ny Israely sisa dia nalefany hody samy ho any amin’ny tranolainy avy, fa ny telonjato lahy ihany no nohazoniny. Ary ny tobin’ny Midianita dia teo ambaniny, teo an-dohasaha. Tamin’izany alina izany dia hoy NY TOMPO tamin’i Gideona: Mitsangàna, midìna ho any amin’ny toby fa efa natolotro eo an-tananao io. Fa raha matahotra hidina ianao dia aoka hidina miaraka aminao ho any amin’ny toby i Pora zatovonao. Ho renao izay lazain’ny olona, ary aorianan’izany dia hampaherezina ny tananao hidinanao any amin’ny toby. Dia nidina niaraka tamin’i Pora zatovony izy ho any amin’ny sisin-daharan’ny mpiady izay teo amin’ny toby.