1Samoela 19:9-10

Dia nisy fanahy ratsy avy tany amin’NY TOMPO tonga tao amin’i Saoly rehefa nipetraka tao an-tranony izy sady nitana ny lefony teny an-tanany; ary i Davida dia nitendry lokanga tamin’ny tanany. Ary nikasa hamely an’i Davida tamin’ny lefona i Saoly ka hataony miboroaka mihatra amin’ny rindrina; nefa nahay niala teo anatrehan’i Saoly izy ka ny rindrina no voan’ny lefona; dia nandositra i Davida ka afaka tamin’iny alina iny ihany.