Andinin-tSoratra Masina malaza indrindra nalaina tao amin'ny Salamo 18

Hizara

Jehovah no harambatoko sy batery fiarovana ho ahy ary Mpamonjy ahy; Andriamanitro, vatolampy ialofako, Sy ampingako ary tandroka famonjena ahy sy fiarovana avo ho ahy.

Raha ny amin’Andriamanitra, dia marina ny làlany; Ny tenin’i Jehovah dia voazaha toetra amin’ny memy; Jehovah no ampingan’izay rehetra mialoka aminy.

Miantso an’i Jehovah Izay mendrika hoderaina aho, Ka dia vonjena ho afaka amin’ny fahavaloko.

Fony azom-pahoriana aho, dia niantso an’i Jehovah, Eny, Andriamanitro no nitarainako; Nihaino ny feoko tao an-tempoliny Izy, Ary ny fitarainako teo anatrehany dia efa tonga teo an-tsofiny.

Fa Hianao mampirehitra ny jiroko; Jehovah Andriamanitro no mampahazava ny fahamaizinako.

Izany Andriamanitra izany no mampisikina hery ahy Sy manamarina ny alehako.

Velona Jehovah; isaorana anie ny Vatolampiko; Asandratra anie Andriamanitry ny famonjena ahy