Andinin-tSoratra Masina malaza indrindra nalaina tao amin'ny Salamo 103

Hizara

Misaora an’i Jehovah, ry fanahiko; Ary aza misy hadinoinao ny fitahiany rehetra

Izay mamela ny helokao rehetra, Izay manasitrana ny aretinao rehetra, Izay manavotra ny ainao tsy hidina any an-davaka, Izay manarona famindrampo sy fiantrana anao, Izay mahavoky soa ny vavanao; Ny fahatanoranao mody indray toy ny an’ny voromahery.

Nataon’i Davida. MISAORA an’i Jehovah, ry fanahiko; Ary izay rehetra ato anatiko, misaora ny anarany masina.

Tahaka ny fiantràn’ny ray ny zanany No fiantràn’i Jehovah izay matahotra Azy

Tahaka ny halavitry ny atsinanana amin’ny andrefana No halavitry ny anesorany ny fahotantsika amintsika.

Mamindra fo sy miantra Jehovah, Mahari-po sady be famindrampo.

Tsy mba manao amintsika araka ny fahotantsika Izy, Na mamaly antsika araka ny helotsika. Fa tahaka ny hahavon’ny lanitra ambonin’ny tany No haben’ny famindrampony amin’izay matahotra Azy.

Jehovah efa nampitoetra ny seza fiandrianany any an-danitra; Ary ny fanjakany manapaka izao tontolo izao.