Andinin-tSoratra Masina malaza indrindra nalaina tao amin'ny Ohabolana 16

Hizara

Ankino amin’i Jehvoah ny asanao, Dia ho lavorary izay kasainao.

Ny fon’ny olona mihevitra tsara ny halehany; Fa Jehovah ihany no mahalavorary ny diany.

Toho-tantely ny teny mahafinaritra, Ka sady mamin’ny fanahy no mahatsara ny taolana.

Ny fikasan’ny fo no amin’ny olona; Fa ny famalian’ny lela dia avy amin’i Jehovah.

Tsara ny mahatsindry fo noho ny mahery, Ary izay mahazaka ny fanahiny noho izay mahafa-bohitra.

Ny fiavonavonana mialoha ny fahasimbana, Ary ny fanahy mirehareha mialoha ny fahalavoana.

Ataon’ny olona ho madio avokoa ny làlana rehetra alehany; Fa Jehovah ihany no mpandanja ny fanahy.

Izay mandinika ny teny no hahita soa; Ary izay matoky an’i Jehovah no ho sambatra.

Aleo ny kely omban’ny fahamarinana Toy izay ny harem-bevava azo amin’ny tsy rariny.

Misy làlana ataon’ny olona ho mahitsy, Kanjo làlana mivarina any amin’ny fahafatesana no iafarany.

Ny mpivadibadika mamafy ady; Ary ny mpibitsibitsika mampisaraka ny tena mpisakaiza.