Andinin-tSoratra Masina malaza indrindra nalaina tao amin'ny Ohabolana 15

Hizara

Ny famaliana mora dia mampianina ny fahatezerana mafy; Fa ny teny maharary mahatonga fahasosorana.

Ny fahatahorana an’i Jehovah dia fananarana mampahahendry; Ary ny fanetren-tena mialoha ny fisandratana.

Ny teny malemy dia hazon’aina; Fa ny vava ratsy mandratra ny fanahy.

Ho foana ny fikasana, raha tsy misy mpisaina; Fa raha maro ny mpanolo-tsaina, dia tanteraka izany.

Ny fo ravoravo mahamiramirana ny tarehy; Fa ny alahelon’ny fo mahareraka ny fanahy.

Ny mason’i Jehovah amin’izao rehetra izao, Mijery ny ratsy fanahy sy ny tsara fanahy.

Aleo ny kely misy ny fahatahorana an’i Jehovah Toy izay harena be misy ahiahy.

Izay malaky tezitra manetsika ady; Fa izay mahatsindry fo mampitsahatra fifandirana.

Ny fon’ny marina mihevitra vao mamaly; Fa ny vavan’ny ratsy fanahy kosa miboiboika faharatsiana.