Andinin-tSoratra Masina malaza indrindra nalaina tao amin'ny Jeremia 17

Hizara

Hotahina izay olona matoky an’i Jehovah, Dia izay manana an’i Jehovah ho tokiny. Fa ho toy ny hazo ambolena eo amoron-drano izy, Izay mamaka eo anilan’ny rano mandeha; Ka tsy hatahotra, na dia avy aza ny hainandro, Sady ho maitso ny raviny, Ka tsy hanahy izy, na dia mihantona aza ny andro, Fa tsy hitsahatra ny famoany.

Ny fo dia mamitaka mihoatra noho ny zavatra rehetra sady manana aretina tsy azo sitranina; Iza moa no mahafantatra ny aminy?

Izaho Jehovah no Mpandinika ny fo Sy Mpamantatra ny voa, Mba hanome ny olona rehetra araka ny alehany avy, Dia araka ny vokatry ny asany.

IZAO no lazain’i Jehovah: Ho voaozona izay olona matoky olona Sy manao ny nofo ho sandriny, Ka miala amin’i Jehovah ny fony. Fa ho tahaka ny olona mahantra any an-tani-hay izy Ka tsy mba hahita, na dia avy aza ny soa; Fa honina any amin’ny tany karankaina any an-efitra, Dia any amin’ny tany sira izay tsy onenana.

Jehovah ô, sitrano aho, dia ho sitrana; Vonjeo aho, dia ho voavonjy; Fa Hianao no fidèrako.