Andinin-tSoratra Masina malaza indrindra nalaina tao amin'ny 1Samoela 28

Hizara

Ary Saoly, raha nahita ny miaramilan’ny Filistina, dia raiki-tahotra sady niemponempona ny fony. Ary Saoly dia nanontany tamin’i Jehovah, fa Jehovah tsy namaly azy, na tamin’ny nofy, na tamin’ny Orima, na tamin’ny mpaminany.

Ary hoy Saoly tamin’ny mpanompony: Itadiavo vehivavy manao azy ho tsindrian-javatra aho hankanesako any hanontaniako aminy. Ary hoy ny mpanompony taminy: Indro, misy vehivavy manao azy ho tsindrian-javatra eo Andora. Dia nanova tarehy Saoly ka nitafy fitafiana hafa, dia nandeha izy sy ny olona roa lahy nanaraka azy ka tonga tao amin-dravehivavy nony alina; ary hoy izy: Masìna hianao, manaova fankatovana ho ahy amin’ny zavatra manindry anao, ka ampiakaro ho etỳ amiko izay hotononiko aminao.