Andinin-tSoratra Masina malaza indrindra nalaina tao amin'ny Ohabolana 31

Hizara

Fitaka ny bika soa, zava-poana ny hatsaran-tarehy; fa ny vehivavy matahotra an’i Iaveh ihany no hoderaina.

Ny hery sy ny hasoavana no firavaka eny aminy, ary ny andro ho avy ihomehezany. Amim-pahendrena no isokafan’ny vavany, ary teny soa no eo amin’ny lelany.

Manatsò-tanana amin’ny ory izy; ary mamela-tanana amin’ny mahantra.

Iza no mba mety mahita vehivavy mahery fo? mihoatra lavitra noho ny an’ny voahangy, ny tombany.

Aoka ny vokatra avy amin’ny tanany homena azy; ary aoka hitory fiderana eo am-bavahady ny asany.

Ny zanany lahy mitsangana ka milaza azy hoe sambatra; ny vadiny koa mitsangana manome fankalazana azy.