Andinin-tSoratra Masina malaza indrindra nalaina tao amin'ny Apôkalipsỳ 10

Hizara

Fa amin’ny andro hitsòfan’ilay anjely fahafito ny trompetrany, dia ho tanteraka ny zava-miafina nalahatr’Andriamanitra, araka ny teny soa nambarany tamin’ireo mpaminany mpanompony.

Tamin’izay dia nisy nilaza tamiko hoe: –Tsy maintsy mitondra ny hafatr’Andriamanitra indray ianao ny amin’ny vahoaka maro sy firenena maro sy olona maro samy hafa fiteny ary mpanjaka maro.

Dia hitako nisy anjely anankiray hafa manan-kery, nidina avy tany an-danitra: ka rahona no toy ny lamba nisalorany; voahodidin’avana ny lohany; namiratra tahaka ny masoandro ny tavany; mivaivay tahaka ny andry afo ny tongony

Dia nankeny amin’ilay anjely aho ka nanao taminy hoe: –Mba omeo ahy iny horonamboky kely iny! Ary hoy izy tamiko: –Raiso izy ka atelemo avokoa; hangidy ao an-kibonao izy, nefa ao am-bavanao dia ho mamy tahaka ny tantely. Dia noraisiko ilay horonamboky kely teny an-tanan’ny anjely ka nateliko avokoa; ary mamy tahaka ny tantely izay tao am-bavako, nefa nony voateliko dia nangidy tao an-kiboko.