Andinin-tSoratra Masina malaza indrindra nalaina tao amin'ny Marka 2

Hizara

Henon’i Jesoa izany ka hoy Izy tamin’ny mpahay lalàna: –Tsy ny salama no mila dokotera fa ny marary! Tsy hiantso ny olo-marina no nahatongavako fa hiantso ny mpanota!

Hitan’i Jesoa ny finoan’ireto olona ka hoy Izy tamin’ilay malemy: –Voavela ny helokao, anaka!

Ary hoy i Jesoa tamin’ny Farisianina: –Ny sabata no natao ho an’ny olona, fa tsy ny olona no natao ho an’ny sabata.

Tsy afaka nanatona an’i Jesoa ry zareo noho ny habetsahan’ny vahoaka. Ary dia ny tafon-trano, tandrifin’izay nitoeran’i Jesoa, no nanesorany; ka rehefa voasokatra, dia nampidinany ny fandriana niamparan’ilay malemy.

Aoka ho fantatrareo fa ny Zanak’olona eto an-tany dia manam-pahefana hamela heloka! Dia hoy i Jesoa tamin’ilay malemy: –Mandidy anao aho, mitsangàna, batao ny fandrianao ka modia any an-tranonao!

Inona moa no tsotsotra kokoa, ny milaza amin’ity malemy ity hoe: «Voavela ny helokao», sa ny milaza aminy hoe: «Mitsangàna, ka batao ny fandrianao ary mandehana»?

Dia nitsangana ilay malemy ka nibata ny fandriany avy hatrany ary lasa nandeha teo imason’ny olona rehetra. Dia talanjona avokoa izay rehetra teo ka nanome voninahitra an’Andriamanitra sady vaky vava hoe: –Tsy mbola nahita zavatra toy izao na oviana na oviana isika!