Andinin-tSoratra Masina malaza indrindra nalaina tao amin'ny Isaià 62

Hizara

Ianao tsy hatao intsony hoe «ilay tanàna nafoy» ary ny taninao tsy hatao intsony hoe «ilay tany lao»; fa ianao dia hantsoina hoe «ilay sitraky ny TOMPO», ary ny taninao hatao hoe «ilay vady ampakarina.» Satria ho sitraky ny Tompo ianao ary ny taninao hanana vady mpampakatra.

Ry Jerosalema ô, efa nametrahako mpiambina eny ambonin’ny mandanao eny, ka tsy mahazo mangina ireo na andro na alina: «Ianareo izay mampahatsiaro ny TOMPO, aza mitsaha-manao izany ianareo! Aza avela hitsahatra Izy mandra-panarenany azy indray ka hametrahany an’i Jerosalema ho voninahitra manerana ny tany.»

Eo an-tanan’ny TOMPO Andriamanitra dia ho tonga satroboninahitra mamirapiratra sy hanjary diademan’ny mpanjaka ianao.

Tahaka ny tovolahy mampakatra virijiny ho vady, dia hampakatra anao toy izany koa ilay Mpanorina anao, ry Jerosalema; ary tahaka ny fifalian’ny mpampakatra amin’ny tovovavy ampakariny no hifalian’ilay Andriamanitrao aminao.