Andinin-tSoratra Masina malaza indrindra nalaina tao amin'ny Kôheleta 7

Hizara

Aoka tsy ho mora tezitra ianao fa ny adala ihany no malaky tezitra.

Amin’ny androm-pahasambarana dia aoka ho sambatra; fa amin’ny androm-pahoriana kosa dia mieritrereta. Samy nataon’Andriamanitra na ny fahasambarana na ny fahoriana mba tsy hahafantaran’ny olona akory izay hitranga amin’ny hoavy.

Aleo ny mamarana asa toy izay ny manomboka azy; aleo olona mahari-po toy izay ny miavonavona.

Eto ambonin’ny tany manko dia tsy misy olo-marina izay manao ny tsara kanefa tsy diso.

Ny fahendrena dia toy ny vola ka miaro amin’ny loza maro; manalava ny andron’izay manana azy izy, ka mahasoa ny fahalalana azy.

Aleo manana laza tsara toy izay manana ilomanitra lafo vidy; ary aleo ny andro hahafatesan’ny olona toy izay ny andro nahaterahany.

Aleo mihaino ny anatry ny hendry toy izay ny hiran’adala.

Aleo miditra amin’ny trano misy fisaonana toy izay mankany amin’ny trano misy fanasana. Ny fahafatesana no fiafaran’ny olona rehetra ka tsara ny hahatsiarovan’ny velona izany.

Ao amin’ny toerana misy fisaonana no ahitana ny fon’olon-kendry ary ao amin’ny toerana misy fifaliana no ahitana ny fon’olona adala.