Andinin-tSoratra Masina malaza indrindra nalaina tao amin'ny ယောဟန် 19

Hizara

ယေရှုစာ ယင်းပုံးရည်ကို သောက်ရို့ ပြီးရေခါ၊ “အလုပ် ပြီးဗျာ” ဟို့ ပြောလီရေ။ ယင်းနောက် သူစာ အဂေါင်းကို အောက်တို့ ငုံ့ရို့ အသက် စွန့်လီရေ။

ယင်းနောက် ယေရှုစာ အလုပ်အားကုံး ပြီးဆုံးဗျာဆိုစာကို သိလီရေ။ အရာ သူစာ ကျမ်းစာမာ ရွီးရို့ ဟိစာစကား ပြည့်စုံဖို့အတွက်၊ “ငါ ရီသောက်မွတ်တေ” ဟို့ ပြောလီရေ။

ယေရှုစာ ကိုယ့်အမိန ကိုယ်ချစ်စာ တပည့်ကို ရပ်ရို့ မြင်လီရေ။ ယင်းခါ သူစာ ကိုယ့်အမိကို ပြောလီရေ၊ “အမိ၊ အမိမာ သားကို ကြည့်လိုက်။” ယင်းနောက် ကိုယ်ချစ်စာ တပည့်ကို ပြောလီရေ၊ “အဝေး၊ နင့် အမိကို ကြည့်လိုက်။” ယင်းအတွက်န ထိုတပည့်စာ ယေရှု အမိကို ကြည့်ရှုစောင့်သျှောက်ရို့ ထားဖို့အတွက် ကိုယ့်အိမ်တို့ ခေါ်ယူလားခလီရေ။

ယင်းနောက် ယေရှုတို့ လာရေခါ ယေရှု သီရို့ဟိစာကို မြင်ကတ်လီရေ။ ယင်းအတွက်န သူရို့စာ ယေရှု အခြီကို မချိုးကတ်လီ။ ယေကေလည်း စစ်သားတစ်ယောက်စာ ယေရှုနံဘေးမာ လှံနထိုးလီရေ။ ယင်းခါ ချက်ချင်း ယေရှုနံဘေးက သွီးန ရီထွက်လာလီရေ။

ကျမ်းစာမာ ရွီးရို့ ဟိရေ၊ “သူ၏ အရိုးတစ်ချောင်းလည်း ကျိုးရမည် မဟုတ်။” ထိုစကား ပြည့်စုံဖို့အတွက် ဒေပိုင် ဖြစ်ပျက်လီစာ ဖြစ်တေ။ အခြားတစ်ခု ပုဒ်မမာ ရွီးရို့ ဟိရေ၊ “သူရို့စာ ကိုယ်ရို့ လှံန ထိုးသူကို မော်ကြည့်ကတ်လိမည်။”

အသျှင်ယေရှုစာ ကိုယ့်ကားတိုင်ကို ရွက်ယူလားရို့ “အဂေါင်းခွံ” ဟို့ ခေါ်စာ နေရာတစ်ခုတို့ ရောက်လီရေ။ ယင်းနေရာကို ဟေဗြဲဘာသာစကားန “ဂေါလဂေါသ” ဟို့ ခေါ်ရေ။

စစ်သားရို့စာ စူးခက်ကို သရဖူတစ်ခု လုပ်ရို့ ယေရှုအဂေါင်းမာ ဆောင်းကတ်လီရေ။ ယင်းနောက် သူရို့စာ ယေရှုခန္ဓာမာ ခရန်းရောင်အဝတ်ကို ဝတ်ပီးကတ်လီရေ။