Andinin-tSoratra Masina malaza indrindra nalaina tao amin'ny ယောဟန် 10

Hizara

သူခိုးစာ သက်သက် ခိုးဖို့၊ အသက်ကို သတ်ဖို့ အရာ ဖျက်စီးဖို့အတွက် လာရေ၊ ယေကေလည်း ငါ ကိုယ်ဘင်ရို့ကို ထာဝရဘုရား၏ ပဿိနပြည့်စုံစာ အသက်ကို ပီးဖို့အတွက် လာစာဖြစ်တေ။

“ငါစာ ကောင်းမြတ်စာ သိုးဆိတ်ကျောင်းသား ဖြစ်တေ။ ကောင်းမြတ်စာ သိုးဆိတ်ကျောင်းသားစာ သိုးဆိတ်တိအတွက် ကိုယ့်အသက်ကို စွန့်ရေ။

ငါ့ သိုးဆိတ်တိစာ ငါ ခေါ်စာအသံကို နားထောင်ကတ်တေ။ ငါ ကိုယ့်သိုးဆိတ်တိကို သိရေအတွက်န သူရို့စာ ငါ့ နောက်က နောက်က လိုက်ကတ်တေ။

ငါ သူရို့ကို ထာဝရအသက် ပီးရေ။ ယင်းအတွက်န သူရို့ တစ်ခါလည်း ပျက်စီးခြင်းတို့ ရောက်ကတ်လိမည် မဟုတ်။ သူရို့ကို ငါ့အလက်က တစ်ယောက်လည်း လုယူနိုင်မည် မဟုတ်။

ငါစာ လမ်းခဝ ဖြစ်တေ။ ငါ့ကနီရို့ ဝင်သူစာ ဖီးဒုက္ခက ရွတ်လိမည်။ သူစာ အထွက်အဝင် လုပ်ဖို့ ရလိမည် အရာ သူ့မာ လိုအပ်စာ အစားအစာ ရလိမည်။

“ငါစာ ကောင်းမြတ်စာ သိုးဆိတ်ကျောင်းသား ဖြစ်တေ။ ငါ့အဖစာ ငါ့ကို သိရေ၊ ငါလည်း အဖကို သိရေ။ ယင်းပိုင်တထန် ငါစာ ကိုယ့် သိုးဆိတ်တိကို သိရေ အရာ ငါ့ သိုးဆိတ်တိလည်း ငါ့ကို သိကတ်တေ။ ငါစာ ကိုယ့် သိုးဆိတ်တိအတွက်မာ ကိုယ့်အသက်ကို စွန့်ရေ။

ထိုသိုးဆိတ်တိကို ငါ့အလက်မာ အပ်ပီးစာ အဖစာ အားကုံးသူထက် ကြီးမြတ်တေ။ ယင်းအတွက်န ထိုသိုးဆိတ်တိကို ငါ့အဖအလက်က တစ်ယောက်လည်း လုယူနိုင်မည် မဟုတ်။ ငါန ငါ့အဖ တစ်ကိုယ်တည်း ဖြစ်ကတ်တေ။”

“ငါစာ ကောင်းမြတ်စာ သိုးဆိတ်ကျောင်းသား ဖြစ်တေ။ ငါ့အဖစာ ငါ့ကို သိရေ၊ ငါလည်း အဖကို သိရေ။ ယင်းပိုင်တထန် ငါစာ ကိုယ့် သိုးဆိတ်တိကို သိရေ အရာ ငါ့ သိုးဆိတ်တိလည်း ငါ့ကို သိကတ်တေ။ ငါစာ ကိုယ့် သိုးဆိတ်တိအတွက်မာ ကိုယ့်အသက်ကို စွန့်ရေ။

ငါ့အသက်ကို တစ်ယောက်လည်း လုယူနိုင်မည် မဟုတ်။ ငါ ကိုယ့်စိတ်သဖေါန ငါ့အသက်ကို ပီးဖို့။ အသက်ကို ပီးဖို့အတွက်န ပြန်ရှင်ထမြောင့်ဖို့အတွက် ငါ့အဖ ငါ့ကို တန်ခိုးအာဏာ ပီးလီရေ။”

ယင်းအတွက်န ယေရှုစာ သူရို့ကို အရာတစ်ပြန် ပြောလီရေ၊ “ငါ ကိုယ်ဘင်ရို့ကို အမှန် ပြောရေ၊ ငါ သိုးဆိတ်တိဝင်စာ လမ်းခဝ ဖြစ်တေ။

အခစားရို့ သိုးဆိတ်ကို ကျောင်းသူစာ သိုးဆိတ်ကျောင်းသား အစစ် မဟုတ်။ အရာ သိုးဆိတ်တိကိုလည်း ယင်းသူ မပိုင်။ ယင်းအတွက်န တောခွီး လာစာကို မြင်ရေခါ သူစာ သိုးဆိတ်တိကို ထားရို့ ထွက်ဗြီးလားခရေ။ ယင်းခါ တောခွီးစာ သိုးဆိတ်တိကို ကိုက်ရို့ ယူလားခရေ အရာ သိုးဆိတ်တိလည်း ကြင်းရို့ ဖြစ်လားခရေ။

“ငါ ကိုယ်ဘင်ရို့ကို အမှန် ပြောရေ၊ အသူမဆို သိုးဆိတ်ခြံအထဲတို့ လမ်းခဝက မဝင်ဘိုင်းန အခြားတစ်နေရာက ဝင်ရေဆိုကေ သူစာ သူခိုးဒါးမြ ဖြစ်တေ။