Andinin-tSoratra Masina malaza indrindra nalaina tao amin'ny Luk 14

Hizara

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Yóm tau ke loloen o, okóm là eles tnihangen du krosen, kéngen yóm kloloen do yó.

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

Ke wen bélê ye tô hemdà gónô bong,” mon Jisas, “nan na gna hendem ke hilu yóm angat gamaen edu anì tngónen ke dô gbeken angat hemdeng du. Là yó ke olohen deng hemdà heheken, ne là dog gtógónen hemdeng du, angat senflowon yó kem tau mton du yóm gónô bnalahen yó. Angat mon le, ‘Tumù ne ke bê dog tehe tilów ke là gbek hemdeng du.’

Ke moi ken bong,” monen, “yó dé tinokem tu kem tau élél, yó kem tau hikot, yó kem tau tugô, ne yó kem tau butô. Ke ni se nmoem, tey angat któbóng Dwata kóm, abay se là gbek le bud malà kóm. Dwata he fen malà du béléem ke sok hto yóm kdaw gotu klowil yó kem tau hyu kmò le.”

“Tey hyu yóm kahì,” mon Jisas, “okóm ke deng mkó yóm khééten, là kô wen lanem bud hulék du edu ne. Laen dù bud muhen ne balù bè tonok, ne balù desenfól. Tódô kem bot ne. Yóm tau wen klinguhen, hol hmungol.”