Andinin-tSoratra Masina malaza indrindra nalaina tao amin'ny Nya-mangaji Mirningiya Jujiba 37

Hizara

Kulu jina Jujiba, wundururra kilu-mawuranga awara. Ngaliwa kalili-nu likili-baba wumba kilu-mawuranga awara ngalalu kalu-mulamulanganthaninya mili yurrulu yiku wakulamba.

Jinangu malbu Jikaba, kalngiya ka-arri na-wurdu yiku ki-Jujiba, kilu-manmarralanga nya-mangaji ambuliyalu alunga liyikiliyi-arduwu kangka malbu ka-arri ngaliwa nya-mangaji ka-yanjarri. Kilu-yabima jumbala yiku ki-Jujiba, marringaya rdirardiramantha jumbala, nya-mangaji barranamba alunga liyi-wirdiyu, marringaya jumbala kilu-yabima ngayamantharra yiku.

Ngala likili-baba ki-Jujiba, aluwiji, kala-kala nyalunga-biyi, ka-arri na-wurdu yiku ki-Jujiba ki-arrkulawu, kilu-manmarralanga yiwa ambuliyalu alunga, kulu kalu-mulamulanganthaninya yiku ki-Jujiba, kalngiya kalu-mulamulanganthaninya nalu-wurdu nyuwalunga-anyirawu ki-buringku, kangka yamulu kumba-riyarraba nyiki-biyi yiku ki-buwingku. Kalu-lhawarndi yiku, kurdardi kalu-wukanyinma yabi yiku, kurdardi, kalu-mulamulanga wakulamba.

Mili yurrulu kilu-mawuranga wundururra ki-Jujiba, kulu kalili-nu mili likili-baba wungkuwungkulamba. “Marrirru! Karna-mawuranga awara mili yurrulu. Karna-kala awara, rra-kamba, ngakarla, kulu marralhawa ll-bala karna-kala, kulu karna-kala nya-mangaji nmanthawu mududu barra ngathangkalu,” nganinya kalili-nu, baki nganinya kili-nu nyiki-biyi marda.

Ngala likili-baba ki-Jujiba, kalu-wardirri nalu-wurdu yiku, kalu-nganyma yiku, ngala nyiki-biyi, kilu-linginma Jujiba wumba kilu-mawuranga awara. Bawuji.

Ka-arri alunga, “Marrirru, kanhirra-nykarrila. Kanhirra-nykarrila kulu kirrirni-nala wumba karna-mawuranga awara wundururra. “Wujurl karna-kala, wujurl jakarda ma-ngarra. Kambala-arri baji jabungka, kambala-rdirrirra nya-mangaji wujurl, kurarra ka-arri. Kulu niwarrku kurarra, arrkula nya-ngatha, ka-alarri ankaya, ka-alarri baji, ngala niwarrku kurarra nyirrunga, ka-wingka lukuluku nyuwu-ngatha. Nya-ngatha ka-arri wumbiji alarrinjarra ngala nyirrunga ka-arri mududu nyuwu-ngatha. Nganambaji karna-mawuranga awara.”

Bawuji ngambala, winarrku barra ngambala-ramaya jinangu Jujiba. Ngambala-walimaya na-manka, ngambala-walimaya nambinju wajkaliya lawarru. Bawuji barra kulu kambali-nala wunyatha yiku, kila-tha ki-wardalinju, nganinya kambali-nala. Kurdardi kilu-mawurangarru awara mili yurrulu. Ngambalu-rraya mawuranganthawu barra nya-mangaji.”

Nyalalhurrku barra ngalalu nalarrku likili-nganji ki-Yijmayil kalu-wingka...i bajinju ngalalu likili-baba ki-Jujiba, kalu-rankarrma kariwajka, kala-ka aluwalu linjikulinji-nganjinyu ki-Yijmayil, kalu-jilima nyalunga-anyira, kalu-jilima aluwalu, kalu-jilima mu-maniyu. Kulu linjikulinji-nganjinyu ki-Yijmayil, kalalu-bayima ma-janyka ma-wurrirri ma-20-bala, kalu-rduma Jujiba mungku-ja barra bawuji. Kulu bawuji barra kalu-lhuwarri ngamaliya...i, kalu-lhuwarri naluyirdi yiku ki-Jujiba, kalu-wingkalwingka...i aya bajinju Yijiba. Bawuji.

“Marniwa barra ngambalalu nya-mangaji jamawuranga.

Ngaliwa ka-rilirri karingamala, kala-kala linjikulinji-babalu, kala-kala kulu kalinyamba-wukanyi barra ngandarra ramanthalu nya-mangaji nyalunga-anyira.

Kulu ka-arri mili alunga, “Barni-ramantha marda barni-wurrubantha yilirri nyikungu. Winarrku rru-yibarraya wajkaliya lawarra baji munjimunji ngala barni-ramantha.” Minja ka-wukanyi nganinya alunga ngala minja kumba-wukanyi na-wurdu, “Baku karna-lhungkumala nyangathi-anyira, karna-rdumala kariwajka nakari lawarra. Baku ka-wanila wunyathalu yilalu, karni-jala yamulu yilalu.”