Andinin-tSoratra Masina malaza indrindra nalaina tao amin'ny Mə́líʼkus 12

Hizara

Yə́sus əyímuyúlísíni ɔnɔ́ na nyɔ́lɛ́: «Kɛcɛm kɛ́ kɛ́mááyɛn pɛcɛm piim a kɛ́ɛnɛ kɛ́lɛɛ́ lɛ́: Ɛ́sɛlayɛl taa, Sə́dúk Táán wəəs alɛ nyɔ́lɛ́nyɔ́əsíŋ nkúm. Nyɔ́ŋɛn Sə́dúk Táán waaŋ na ɔʼtɛ́m wááŋ ungim, na ɛdáányɛ́ yááŋ yiim, na mafɛgaʼ mááŋ miim, na toɛn toáŋ tuim Kɛ́ kiə́yə́ə́n kɛ́ɛg a kɛ́ɛnɛ kɛ́lɛɛ́ lɛ́: Nyɔ́ŋɛn sɔ́g mɔɔd wɔnɔ́ wɛɛ́nyɔ́amɔɛ́d Kímmú kɛ́ kɛ́mááyɛn pɛ́ɛb pɛ́baan kɛ́dɛɔ́gɔ.»

Ná Yə́sus yɛɛ́dála nkə kɛ́ ɛsɔ́gasɔ́gá yɛ́ɛy ɛ́yáág, əyə́búʼkíníí paaʼkan pə́ə́ŋ, ɔnɔ́ na pɔ́lɛ́: «A fɔ́lɔ́b ndabodɛ́anɛ lɛ́ nkə kɛ́ ɛsɔ́gasɔ́gá ɛ́ kidí kɛ́ ɔʼkɛ́ɛd yɛ́ɛy ɛ́máág a ngab kɛ́mááyɛn kiim kɛ́ pɔsɔ́g pámáágan lɛ́ ungim nyóon, nkə kiim kɛ́ əə́sugin a ngab, kɛ́lɛ nkə kɛ́ kídiʼkúgódií pigólí lɛ́ ogóódi mólɛ́ ilubənən. Kɔmɔɛ́d lɛ́ kidí kɛ́ɛnɛ, na osog wə́ə́ŋ ungim, amáyóláá, amɛ́ʼkɛn yiim yɛ́ ayɛ́ɛ lɛ́ álaa na yɛ́lɛ́.»

Kɔ áay a Tɛ́mpɛl , píísóbíni kɛnɔ kímmú a kɛsom kɛ́ kiɛd agaágan mɔɔnɛ́ má ngab kɔ. Náa Yə́sus aáság kodɛ́ɛmɛn, amɛ́ɛn ələndin kɔ a ɛbá ɛ́ kɛa kɛ́ɛg agodɛ́ʼtɛg wɔnɔ́ ná pɔɔd pálɛɛ́ əgiim agaágan ngab yɔɔbɔn kɔ. Pɔɔd pá tugúm páyɛ́ɛ əgusuginə mɔɔnɛ́ kɔ miíŋ. Náa ɛsɔ́gasɔ́gá ɛ́ kidí kɛ́ ɔʼkɛ́ɛd yímmú yə́əgiim. Ɛ́yáág muyənjə́g muə́ŋ mó fɛláaŋ móbaan súg a síísi mmuʼ

Kɛ́lɛ tɛn fɔ́lɔ́b náan wɔnɔ́ ná wəə́səə lɛ́ mɔɔd ányɔ́ŋɛn Táán na ɔʼtɛ́m wə́ə́ŋ ungim, na mafɛgaʼ mə́ə́ŋ miim, na toɛn tuə́ŋ tuim, ányɔ́ŋɛn tɛn sɔ́g mɔɔd wɔnɔ́ ná aágaányɔ́ŋɛn nyɔ́lɛ́nyɔ́amɔɛ́d. Kɛ́lɛ kɔŋɛʼ náan agaáyɛn ponyam pó pɔ́ɔgɔ́lɔnɛ a yug agɛɛlɛnɛ Táán pifuləʼ»

Yə́sus əyíbuyúlísíni ɔnɔ́ na pɔ́lɛ́: «Náa nkə anɛ́ɛ́n kímmú ə́? Yɛ́ ɛ́lɛɛ́ ɛ́ Sɛsáal , poɛ́ʼkɛn na Sɛsáal. Yɛ́ ɛ́lɛɛ́ ɛ́ Táán, póyɛɛ́ʼkɛn na Táán!» Pə́yə́wúnə́níí kɛ́fɔlɛ́ ná əyíbuyúlísíni náan.