Andinin-tSoratra Masina malaza indrindra nalaina tao amin'ny Genesis 37

Hizara

As ren Joseph dreamal, ren eh ginsh da e vraaraghyn; as shen myr smoo va feoh oc er.

Nish bynney lesh Israel Joseph, ny share na ooilley e chloan; son dy row eh mac e henn eash: as ren eh cooat da jeh caghlaaghyn dy ghaah.

As tra honnick e vraaraghyn, dy bynney lesh nyn ayr eh, ny share na ooilley e vraaraghyn, dy dug ad dwoaie da, chamoo loayragh ad dy dooie rish.

As ren eh reesht dreamal elley, as dinsh eh da e vraaraghyn eh, as dooyrt eh, Cur-my-ner, ta mee er n’yannoo dreamal elley, as cur-my-ner, ren y ghrian, as yn eayst, as ny un rollageyn jeig biallys dou.

As ren e vraaraghyn troo mysh: agh smooinee e ayr dy dowin er y raa.

As dooyrt eh roo, Clasht-jee, ta mee guee erriu, yn dreamal shoh va aym. Son, Cur-my-ner, va shin kiangley bunneeyn ’sy vagher, as cur-my-ner, hrog yn vunney aym’s, as myrgeddin, hass eh seose jeeragh; as cur-my-ner, hass ny bunneeyn euish ooilley mygeayrt, as ren ad biallys da’n vunney aym’s.

Tar-jee nish, er-y-fa shen, as lhig dooin y varroo eh, as y hilgey ayns ooig ennagh; as jir mayd, Dy vel drogh veisht ennagh er stroie eh: as hee mayd, cre hig jeh e ghreamallyn.

Eisht va Midianiteyn goll shaghey, marchanyn; as hayrn ad, as hrog ad Joseph seose ass yn ooig, as chreck ad Joseph rish ny Ishmaeliteyn, son feed peesh dy argid: as hug adsyn lhieu Joseph gys Egypt.

As dooyrt ad yn derrey yeh rish y jeh elley, Cur-my-ner, ta’n dreamyder shoh cheet

As tra chronnee ad eh, eer my daink eh er-gerrey daue, hug ad nyn goyrle dy cheilley, dy varroo eh.

As dooyrt Reuben roo, Ny deayrt-jee fuill edyr, agh tilg-jee eh ayns yn ooig shoh, ta ’syn aasagh, as ny cur-jee laue er; er-chee dy voddagh eh feaysley eh ass nyn laueyn, dy livrey eh reesht gys e ayr.