Andinin-tSoratra Masina malaza indrindra nalaina tao amin'ny Lúg 14

Hizara

“Nán tóó a bi duunɔ́ tée, a gbɔ ba' woo, kan na' woo, kan kȩ́ȩ́, kan waa vu̵, kan daa sá̧ŋ́ vu̵, kan daa kȩ́ȩ́ vu̵, kan fó̧ó̧ woo á̧ḿ. A ı̵́ yo̧go̧ pɛ́lı̵́ tée, nán yȩ waa duulí míí nu pɛ́lı̵́.

Nán a ndɔg nɔm, a duun mí ní tée, waa duulí míí nu pɛ́lı̵́.

Kóó nɔ́nná a na' yúú tée, Tayɨɨ wú̵ń tiiwu̵ hȩn leená. Nán a 'yɛ́ fó̧ó̧ woo hȩn lee tée, Tayɨɨ wú̵ń tiiwu̵ nán gbo̧o̧ á̧ḿ.”

Moo woo nɔ kóó nɔ́nná a gbɔn hȩn dáń woo vu̵ 'waapád né tée, waa duulí míí nu pɛ́lı̵́.”

“Nán tóó sa̧a̧m víílí ka hí̧í̧ bi yo̧o̧ lig hɨɨ tée, a wá' hȩn a yo̧o̧n wu̵lı̵́ pȩ́ń. Tée a gaa sɨɨde bii ban maa sú̵'ú̵ pȩ́ń, ma a dəŋ ba'ad woo. A ı̵́ yo̧go̧ pɛ́lı̵́ tée kan pɛd lig, sɨɨde kan ndu̵u̵, nán ka vu̵n hı̵́'ɨwu̵, ka vu̵n o̧: ‘Nán yȩ dəŋ hȩn yo̧o̧lȩ́ sú̵'ú̵, a̧máa sé"ı̵́ woo mbaga ma.’

A̧máa sey káḿ bee hȩn lálı̵́ tée, a̧m bee nán gíḿ vu̵, kan nán kó̧ggı̵́ vu̵, kan kpee vu̵, kan yə̧m vu̵ yu̵. Tée mɔ́ń mbaa kan zó̧ó̧ dȩ"ȩ́, moo vu̵ kan hȩn u̵u̵ duu vȩ' pú̵n mɔ́ né. A̧máa sey Tayɨɨ a nim nán ku̵u̵ kɔ́ hȩn hí̧í̧lí̧ woo máa vu̵ nɔmmé tée, wú̵ń sú̵u̵m wu̵lı̵́ á̧ḿ.”

Yesu duu o̧d vu̵: “Ta̧m zú̵g máa, hȩn to̧o̧ȩ, a̧máa ka san sı̵́ né tée, ba duu kɔ́gɔ nɛ́nná? Wú̵ń duu kɔ́n hȩn yȩ́ń tóó né. Ba yɛddu̵ yɛnnée. Nán a dɨ kan tɔ́g moo kilí ú tée, a ki du̵u̵lı̵́ na'a.”