Andinin-tSoratra Masina malaza indrindra nalaina tao amin'ny Salamo 119

Hizara

Fanilon’ny tongotro sy fanazavana ny lalako ny teninao.

Ato am-poko no iraketako ny teninao mba tsy hanotako Aminao.

Inona no hiarovan’ny zatovo ny lalan-kalehany ho madio? Ny fitandremana araka ny teninao.

Sambatra izay mitandrina ny teny vavolombelony ka mitady Azy amin’ny fo manontolo

Fiereko sy ampingako Ianao; ny teninao no andrasako.

Omeo fahiratan-tsaina aho mba hitandrina ny lalànanao; eny, hitandrina azy amin’ny foko manontolo aho.

Ataovy mirona ho amin’ny teny vavolombelonao ny foko, fa tsy ho amin’ny fitiavan-karena.

Soa ihany aho nampahorina mba hianarako ny didinao.

Izany no mampionona ahy amin’ny fahoriako; ny teninao no mamelona ahy.

Ampandehano amin’ny lalan’ny didinao aho fa izany no sitrako.

TOMPO ô, toroy ny lalan’ny didinao aho dia hotandremako hatramin’ny farany izany.

Mipotrapotra-dranomaso aho noho ny alaheloko; ampaherezo aho araka ny teninao.

Endre ny fitiavako ny lalànanao! Fisaintsainako mandrakariva izany.