Andinin-tSoratra Masina malaza indrindra nalaina tao amin'ny Marka 2

Hizara

Raha nahare izany Jesosy dia niteny taminy hoe: Tsy ny salama no mila mpitsabo fa ny marary. Tsy tonga hiantso ny marina Aho fa ny mpanota.

Ary Jesosy, nony nahita ny finoan’ireo, dia niteny tamin’ilay malemy hoe: Anaka, voavela ny helokao.

Ary hoy Izy taminy: Ny Sabata no natao ho an’ny olona fa tsy ny olona no natao ho an’ny Sabata

Ary satria tsy afaka nanakaiky Azy izy ireo noho ny habetsahan’ny vahoaka dia nanesorany ny tafon’ny trano nisy an’i Jesosy ka nony efa voasokatra izany dia nampidininy avy teo ny fandriana izay nandrian’ilay malemy.

Fa mba ho fantatrareo fa ny Zanak’Olona* dia manana fahefana etỳ ambonin’ny tany hamela heloka, dia hoy Izy tamin’ilay malemy: Lazaiko aminao: Mitsangàna, batao ny fandriananao ka modia any an-tranonao.

Inona moa no moramora kokoa, ny milaza amin’ilay malemy hoe: Voavela ny helokao, sa ny milaza hoe: Mitsangàna, batao ny fandriananao ka mandehana?

Dia nitsangana izy ka nibata ny fandrianany niaraka tamin’izay ary niala teo anatrehan’ny olona rehetra; dia talanjona izy rehetra ka nankalaza an’Andriamanitra hoe: Tsy mbola nahita izay toy izao izahay.