Andinin-tSoratra Masina malaza indrindra nalaina tao amin'ny 2Mpanjaka 2

Hizara

Nony efa tafita izy roa lahy dia hoy i Elia tamin’i Elisa: Angataho izay hataoko ho anao, dieny tsy mbola nosarahina miala aminao aho. Hoy i Elisa: Miangavy anao aho, aoka ny anjaran-droa amin’ny fanahinao mba ho ahy!

Raha mbola nandeha sy niresaka izy roa lahy dia indro, nisy kalesy afo fitondra miady sy soavaly afo nampisaraka azy, ary niakatra tamin’ny tafio-drivotra ho any an-danitra i Elia.

Hoy i Elia: Sarotra ny zavatra angatahinao. Kanefa raha mahita ahy sarahina aminao ianao dia ho tonga aminao izany; fa raha tsy izany kosa dia tsy ho aminao izany.

Dia noraisin’i Elisa ny akanjobe ivelany an’i Elia, ilay latsaka avy teny aminy ka nakapony ny rano dia hoy izy: Aiza NY TOMPO, Andriamanitr’i Elia? Eny, i Elisa koa nikapoka ny rano dia nisaraka roa izany ka nita izy.

Ary raha nahita izany i Elisa dia niantso hoe: Ry Ikaky ô! Ry Ikaky ô! E ny kalesy fitondra miady an’ny Israely sy ny mpitaingin-tsoavaliny! Dia tsy nahita azy intsony izy. Ary noraisiny ny fitafiany ka notriariny roa

Ary i Elia nandray ny akanjobeny ivelany ka namalona azy dia nikapoka ny rano ka nisaraka roa ny rano, dia nita tamin’ny tany maina izy roa lahy.

Nony efa hampiakarin’NY TOMPO any an-danitra amin’ny tafio-drivotra i Elia dia niara-nandeha avy tany Gilgala izy sy i Elisa.