Andinin-tSoratra Masina malaza indrindra nalaina tao amin'ny 1Samoela 28

Hizara

Raha nahita ny miaramilan’ny Filistina i Saoly dia raiki-tahotra sady niemponempona tokoa ny fony. Dia nanontany tamin’NY TOMPO i Saoly nefa tsy namaly azy NY TOMPO, na tamin’ny nofy, na tamin’ny Orima, na tamin’ny mpaminany.

Hoy i Saoly tamin’ny mpanompony: Itadiavo vehivavy mpanontany amin’ny maty aho hankanesako any hanontaniako aminy. Ary hoy ny mpanompony taminy: Indro, misy vehivavy mpanontany amin’ny maty ao Eny-Dora. Dia nanova tarehy i Saoly ka niakanjo fitafiana hafa. Ary nandeha niaraka tamin’ny olona roa lahy izy ka tonga tao amin-dRavehivavy nony alina. Hoy izy: Miangavy anao aho, manaova sikidy ho ahy hiantso fanahin’ny maty iray ka ampiakaro ho eto amiko izay hotononiko aminao.