Andinin-tSoratra Masina malaza indrindra nalaina tao amin'ny Matiye 21

Hizara

Zaɗka ì ɗaa law-rì ɓo tul Ŋgɛrɛwṵru lɛ, feri riw bele ká ì vbi ká ɓil nzaa ɓay kere na, kaʼa ɗáa ha rì.»

Lɛɛ, Zezu yḭiŋra ɓáy ɓay ha ri mii: «Mì ɓaa ha rì ta-taŋ ɓa tusuɛ kḭ: zaɗka ì ɗo ɓáy mbika law, rɔɔ í má̰y ɓay ká ɗi ya lɛ, ì máa ɗáa fe munu ká mì ɗaa ziŋ puu nzum key hɔy ya, roo lɛ, ì máa ɓay ɓáa ha̰ kuo ká ɗo key na mii: “Mu mṵu ɓáy sa̰w-a ká zaɗ ni key a mú zo ɓo maambii,” lɛ, feke na a ɗoko munu na kḭ.

Báyḭi lɛ, ruɔ nzoɓri ká i se pol Zezu, ɓáy ɓari ká i se fal-ɛ na, i guu fe gǔrum gǔrum ɓáy nzaa-ri ɓa siya mii: «Hozana! Naa písiri vu bulu Daviɗ! Ndaɗ ɓay haŋa Ŋgɛrɛwṵru ka sá̰m fe zuɔ tul nzoɓ ká vi ɓáy riŋ Ŋgɛrɛmbay! Hozana! Naa písiri Ŋgɛrɛwṵru ká kaw nulue!»

Falɛ lɛ, ka ɓaa ha ri mii: «Ŋgɛrɛwṵru ɓaa ta-taŋ ká ɓil mbeɗe ɓe mii: “Hul ɓi na i ɗika ɓa hul ɗáa nzaa ɓay kere.” Roo lɛ, ɓaarì na, ì ɗo fɛ́rɛ ni ɓa pṵy nzoɓ riiɓari!»

«Ì ɓaa ha̰ nzoɓri ká *Sio̰n na mii: “Ì kɔ, mbay ɓaarì na vi ɓa luo-rì vuku. Ka ɓa nzoɓ siika sùo ya, a kaw tul maasoɓa, ɓa vu maasoɓa ze ka kaw tul-e.”»

Báyḭi lɛ, Zezu ɓaa ha ri mii: «Ɓay ká ɗo ɓil mbeɗe Ŋgɛrɛwṵru na wa̰a, ì kḭi ya hɔy lɛ? “Tisaw ká nzoɓ mbúo hulri vbu ɓo ɓisuy na, yḭ̀i a vi ɓa tisaw kere ká kal tul tisaw ha̰wri pavbaɗ, a ɓa tisaw tigba̰a hul taa tusuɛke. Feke ku na ɓa peɗ ɗáa Ŋgɛrɛmbay, a ɓa fe ká ndaɗ ɓamba ɓay kɔ́kɔ.”

«Sa̰wke mini ze, mì ɓaa ha rì ta-taŋ: fe kereri riw bele ká ì ɗǒke í ɓa nzoɓ taa Ŋgɛrɛwṵru na, Ŋgɛrɛwṵru a ya̰aŋa saa nduo-rì a ha̰ sa̰w nzoɓ kḭri ká i ɗáa fe ká ɗo ɓáy zaɗɛ a rii law-ɛ.