Mattayo 25
25
1Ni pelepo uchimwene wa kwiunde tiulingane ni wanache wali likumi, watosile taa siao, watiosile kwasimana ambuje wa kulombela. 2Ni wa msano wao asiene lunda, ni wamsano wakulowela. 3Nombe nao wali wa kulowela, watosile taa siao, akatola ni mauta. 4Wewala asiene lunda, watosile ni mauta mmiombo yao pamope ni taa siao. 5Nombe nao ambuje wa kulombela achikawaga, wosepe wagwesele wagonile. 6Chilo cha msano na gatatu, pana ungulu, ambuje wa kulombela akwisa, mtioche mwajendele. 7Nombe nao wanache wose watiosile wakolosisye taa siao. 8Wa kulowela wasalile wali asiene lunda, mtupa mauta genu, taa sietu sikuzimika. 9Nambo wali ni lunda wajanjile yati ngajenele nowe nomwe; a heri mjende kwao wa kusumao, mpate kusumila. 10Pe waliji achendaga, ambuje wa kulombela waiche, nombe nao wali chili wajinjile nao kwa kulombela, mlango waugelwe. 11Ka nyuma wajisile wewala wanache wane wasasile, ambuje, ambuje, mtungulile. 12Nombe nao wajanjile, wasasile, amin ngwasalila, ngamanya mweji.
13Nomwe mlolechesye ligongo ngammanya na muno liua na muno saa pa taichepo Mwana wa Adam. 14Ligongo mundu achendaga ulendo kwaula chilambo chi chilikwa kutalika, wawilasile achikapolo wao, watolele ipanji yao. 15Wapele jumo talanta msano, ni jumo talanta iwili, ni jumo talanta jumo, wandu wose malinga malinga; chitema ajesile ulendo. 16Nombe nao wapewile talanta msano wajawile wapanganisye malonda nombe nago apatile kwa upili ni talanta msano. 17Yeleyo nombe nao wapewile talanta iwili, apatile kwa upili ni talanta iwili. 18Nombe nao wapewile talanta jimo, wajawile waukwile mchilambo, wasisile ndalama sia ambuje wakwe. 19Mowa ga majinji pigapite, aiche ambuje wa achikapolo awowo, apanganisya kuwalanga nombe nao. 20Wajisile wewala wapewile talanta msano ajisile nao talanta jine msano, wasasile, Ambuje, mwambele talanta msano; mlole, talanta msano soni sia napatile nasio kwa upili. 21Ambuje wao wasalile, yambone, kapolo juambone ni amini, mwaliji amini kwa indu ya inandi, tinampanganye wakulungwa pe nani pa indu ijinji, mjinjile mkulinonyela mwa ambuje wenu. 22Wajisile nombe nao wapewile talanta siwili, wasasile, ambuje, mwambele talanta siwili; lolani talanta siwili soni sia napatile nasio kwa upili. 23Ambuje wao wasalile, yambone, kapolo wambone ni amini, mwaliji amin mwindu ya inandi, tinapanganya wakulungwa pe nani pa indu ya ijinji, mjinjile mkulinonyela mwa Ambuje wenu. 24Aiche nombe nao wapewile talanta jimo, wasasile, Ambuje, nimmanye mweji wandu wajumu, wa kuuna ni pangapanda, wa kuunganya pangajasa; 25najogwepe, najesile naisisile talanta yenu mchilambo; mlole mkwete ili yenu. 26Wajanjile Ambuje wakwe wamsalile, kapolo juangalumbana ni ulesi, mmanyilile yati nguna pangapanda, ni nguunganya pangajasa; 27imbajile kusiweka ndalama siangu nombe nao wa kutindaniao; none ninyisaga ningapate siangu ni upili wakwe. 28Mwatoseye talanta, mwape siali nasio talanta likumi. 29Ligongo wose ali nayo tapelwe, nombe nao wangali nayo tatiochesywe ni chali nacho. 30Mmjase kapolo jua angasalala mchipi cha pasa; ni kweleko chililo ni kutauna meno.
31Yeleyo pa taichepo Mwana wa Adam kwakusya kwao, ni masoka watakatifu wose nombe nao, tatame mchitengo mwa kusya kwao, 32ni makosyo gose taungane pa ujo pao, nombe nao tiwapambanule mpela wa kuchinga kupambanula ngondolo ni mbuzi, 33ni tiwawiche ngondolo mkono wao wa mlio, ni mbuzi mkono wa mchiji.
34Ka nyuma Achimwene tiwasalile wali mmkono mwao wa mlio, mjise, wajinichilwe na Atati wangu, mjinjile uchimwene umwapanganisywe kutanda ku ndanda kwa chilambo. 35Ligongo naliji na sala, mwambele yakulia; naliji ni njota mwangwesisye; naliji jua mlendo, mwangalibuchisye; 36makonope, mwandolokwisye; naliji jua kulwala, mwangolosisye; naliji kutawa, mwanyisilile.
37Nombe nao asiene wambone tiwajanje, achisalaga, ambuje, chakache pi twawene ni sala, twamlisisye, ao ni njota twamywesisye? 38Chakache pi tiwawene walendo, twamkaribiche, ao makonope, twamtakwisya? 39Ao chakache pi twambwene wa kulwala, ao mkutawa, twamjesilile?
40Achimwene tajanje achisalilaga, amin ngwasalila mpela imwatesile pa kwatendela jumope mwanache wa achapwanga apu, mdendele uneji.
41Mbesi tiwasalile wali mkono wa mchiji, mtioche pa ujo pangu, mwesilwe, mmoto mwa milele, iwapanganichisywe Shetani ni masoka gakwe. 42Ligongo naliji ni sala, na muno nganimmba chakulia; naliji ni njota na muno nganimwesya; 43naliji jua mlendo, na muno nganimmkalibuchisya; mmakonope, na muno nganimdakusya; jua kulwala, ni mkutawa, na muno nganimnyisilila.
44Ni awa tiwajanje, achisalaga, Ambuje, chakache pi twambwene ni sala, ao ni njota ao jua mlendo, ao makonope, ao wa kulwala, ao mkutawa, pangamlindilila?
45Nombe nao tiwajanje, achisalaga, amin, ngwasalila, naga pangamtendela jumope juao wanache, nganimdendela uneji.
46Ni awa tajawile mkusausya mwa milele; nombe nao asiene wambone mujumi mwa milele.
Pašlaik izvēlēts:
Mattayo 25: YAO1880
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1880.