Mattayo 24
24
1Isa atiosile alilesile hekalu, wajisile wa kwajiganya wao, walanjile kutawa kwa hekalu. 2Isa wasalile, ngamgaona aga gose? Amin, ngwasalila, ngalisigala apa liganga pe nani peganga liangapatusywa. 3Pe waliji wateme pasi pe nani petumbi pa Zeituni, wa kwajiganya wajisile kwa mtemela wasalile, mtusalile, malowe aga tigawe chakache? Ni chichi dalili ya kwisa kwenu, ni ya mbesi pa chilambo?
4Isa wajanjile, wasalile, mlolechesye, mundu akalambusya. 5Ni wajinji taicheo ni lina liangu, achisalaga, une Masiya; ni talambusya wajinji. 6Nomwe timpilikane ngondo ni habari sia ngondo. Mlolechesye, kajimlaga; yose pe yi tiwe; nambo mbesi nganiwiche. 7Ligongo lukosyo tilutiochelela lukosyo, ni uchimwene kwenani kwa uchimwene; tisiwe ni sala, ni chilindimo, ni kutetemela pa chilambo pa chilambo. 8Sielesi ni sielesio kutanda kwa masauko. 9Pa mbesi tamtole mweji kupoteka, ni tiwaulaje; ni timchimwe ni makosyo gose kwa ligongo lia lina liangu. 10Ni pelepo wajinji tachimwe, ni tatolane, ni tachimane. 11Ni nabii wajinji wa unami tatioche, ni tiwalambusye wajinji; 12ni kwa ligongo lia kugumbala gangalumbana, kunonyela kwa wajinji tikupole, 13nombe nao watasachelimba mpika mbesi tajokoche. 14Ni anjili jeleji ja uchimwene tijijenelwe mchilambo mose, kwa ushahidi kwa makosyo gose.
15Makati pa timbonepo kuchimwa kwa pa masame liwasasile nabii Danieli, lichimaga mahali patakatifu; (wa kusioma amanyilile); 16makati gala wali Muyahudi wautuche mwetumbi; 17wali kwenani akajatuluka achijigale chindu chili mnyumba mwao, 18na muno wali mmigunda, akajanja ka nyuma ajigale nguo siao. 19Ole wao wali mchitumbo ni wakonga mowa gala. 20Mjuje kuutuka kwenu kukawa makati ga mbepo, na muno liua lia Sabato. 21Ligongo tigawe masauko gakulungwa, naga ngagawa kutanda ku ndanda kwa chilambo mpika lelo na muno ngagawa ka nyuma. 22Ni mowa gegala pangapungusywa, nganganalama mundu; nambo kwa ligongo lia wasagwile mowa gegala gapungusywe. 23Makati gelego mundu achisalilaga, mlole ali pelepa Masiya, ao ali kwekula, mkajimjitichisye. 24Ligongo Masiya wa unami wajinji, tatioche, ni tatole ishara siakulungwa ni sia kulapa, mpika kwasisya, naga ikukomboleka, nao wasagwile. 25Mlolechesya, najenesye. Kwa ligongo alili achasalilaga, 26ali myao mkatioka. Ali mnyumba mkati, kajimjitichisya. 27Ligongo mpela kumesya kukutioka mkutioka ni kumulika mpika kulikuswera, yeleyo ni kwisa kwao Mwana wa Adam. 28Pali pose pa lituya, pelepo ni tai taungane.
29Ni chitema ka nyuma ka masauko ga mowa gegala, liua tilitajwe chipi ni mwezi ngautola kulanguka kakwe, ni ndondwa tisipatuche kwiunde, ni machili ga kwiunde tigatenganeche. 30Ni pelepo tioneche dalili yake Mwana wa Adam mkwiunde; ni makosyo gose ga chilambo tigalile petiwaonepo Mwana wa Adam, achijisaga mmaunde mwa kwiunde ni machili ni kukusya kujinji. 31Nombe nao tatume masoka gao ni lipenga lisiene lilowe liekulungwa, ni tiwaunganye wasugwile wao mmbepo mcheche kutiochela lusonga lueunde mpika lusonga luao.
32Mlijiganya chitagu kwa mtini; nyambi siakwe nisilepetelaga siaumbukukwile masamba, mkumanyilila yati makati ga chitokota gawandichile; 33yeleyo nomweji patimbonepo aga gose, mmanyilile ili kuwandichila pa mlango. 34Amin, ngwasalila; ngakupita kuweleka akuku mpika aga gose tigawe. 35Kwiunde ni chilambo tisipite, malowe gangu ngapita.
36Nambo liua lila ni saa ila nganasimanya mundu namuno masoka ga kwiunde, nambo Atati wangu jikape.
37Nambo mpela mowa ga Nua yeleyo ni kwisa kwao Mwana wa Adam. 38Ligongo mpela mowa galiji pa ujo pa gharika, waliji achiliaga, achinywaga, achilombelaga, achilombelwaga mpika liua pe wajinjile Nua msafina, 39akamanyilila, mpika gharika piliaiche liajigele wose, yeleyo pataichepo Mwana wa Adam.
40Wawili tawe mmigunda; jumo pe tatolewe, wa wili talechwe; 41wakongwe wawili, tawe achisiagaga, jumope tatolwe, wa wili talechwe.
42Mlolechesye, ligongo nganimmanya makati patijisepo Ambuje wenu. 43Nambo mmanyilile, naga asiene nyumba nganganamanyilila makati wa kuiwa petaichepo, angalolechesye, na muno nganajileka nyumba jao jigwe. 44Kwa ligongo ali nomwe mbe chili; ligongo makati pangachita Mwana wa Adam akwisa.
45Ni juapi soni kapolo juejula amini ni asiene lunda, ambuje wakwe wampanganisye wa kulindilila mnyumba mwao, wapele yakulia makati gakwe? 46Heri kapolo juejula, ambuje wakwe pataichepo, achalolaga achitendaga yelee. 47Amin ngwasalila, tampanganye mkulungwa pe nani pa ipanji yao yose.
48Nambo naga kapolo juejula juangalumbana tasale mmtima mwakwe, ambuje wangu akukawa kwisa, 49nombe nao tatande kwaputa achejakwe, 50ni kulia ni kung’wa pamope ni wa kolelwa, ambuje wa kapolo juejula tajise liua liangalolechesya ni saa pangachita, nombe nao tiwakate, 51ni tamlajisye lipungu liakwe pamope ni waulamba; ni kweleko chililo ni kutauna meno.
Pašlaik izvēlēts:
Mattayo 24: YAO1880
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society in 1880.