खास चेलों परिचै
परिचै
जन की लूका का शुभ समाचार की शुरुवात मा लूका “थियुफिलुस” नौ को इस्तेमाल कैरिके शुरुवात करदु, ठिक उन्नि ईं किताब की शुरुवात भि थियुफिलुस बोलि के किये गै। अर जब दुई किताबों की शुरुवात ये तरीके से किये जान्दी, त यां से इन पता चलदु की या किताब भि लूका का द्वारा ही लिखीं च। अर पवित्र आत्मा न लूका तैं उकसै की वु ऊं लोगु खुणि जु की यहूदी जाति का नि छिन, यीशु मसीह का जीवन अर खास चेलों का जीवन मा होईं घटनाओं का बारा मा बतौ।
ईं किताब मा लूका न बिस्वासी समुदाय का इतिहास का बारा मा, अर पवित्र आत्मा लोगु का जीवनों मा कनकै काम करदु ईं बात का बारा मा बतौन्दु, अर येका दगड़ा-दगड़ि पौलुस कनकै लोगु तैं शुभ समाचार की जानकारी देन्दु यों सब बातों का बारा मा भि बतौन्दु। बिस्वासी समुदाय की शुरुवात का बारा मा बतौणु खुणि लूका दुई खास बातों तैं बतौन्दु जन कि,
(1) शुभ समाचार यहूदी लोगु का बीच बटि ह्वेके कनकै दुसरा जाति का लोगु मा फैली,
(2) बिस्वासी लोगु तैं कनकै पवित्र आत्मा को दान मिली, अर आज भि यीशु पवित्र आत्मा की ताकत से लोगु का बीच मा कनकै काम कनु च, उ ईं बात का बारा मा भि बतौन्दु।
Pašlaik izvēlēts:
खास चेलों परिचै: GBM
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© (Active) Wycliffe Bible Translators, Inc. All rights reserved.