Oˑi'waħ (Psalms) 27
27
OˑI'WAĦ DEˑWUS'HĂ̱ JAˑDUK' SGAEĦ. (PSALM XXVII.)
1Neh Naˑyahˑdaˑgwënˑni'yuħ deˑwaˑgaˑde hatˑhehˑdaħˑgoħ; söö nahˑotˑä̱eˑshaˑnik? neh Naˑyahˑdaˑgwënˑni'yuħ neh gahˑhasˑdeħˑgöh heˑgöhˑheh; sööˑdiħˑnahˑotˑä̱eˑshaˑniħˑsek?
2Noˑnä̱ħ noˑdiˑwaˑnehˑaˑgöh, nehˑhuh heˑyokˑdahˑöh nokˑniˑgöä̱ˑswaˑä̱s kuh ne waetˑgä̱ deöˑgaˑdä̱ˑnöˑda nii, hoˑdiˑyö heh gyahˑdaˑdeħ naadisˑaah ne gehˑwáˑah, daoˑnöħˑsiħ dyak hoˑdiˑyaħˑdyeˑnä̱hˑöh kuh.
3Neh giħˑshä̱ħˑneˑgä̱ħˑdyohˑgoˑwaˑnä̱h neh huh ä̱öˑdiˑnöˑdaˑyä̱ä̱ iiħ dönˑdáöˑgaˑdoˑgä̱ħ'döˑöˑdyĭëħ, neh naˑgä̱nˑnyahˑsah tä̱ħ'ä̱h taˑwä̱hˑniˑgöˑöˑnek; neh gihˑshä̱ħ naˑdiħ'yusˑhäħ dä̱ˑwöˑgaˑdoˑgä̱ħˑdä̱h niih, nehˑhuh nä̱ˑgä̱ nöħˑgö gaˑdoˑgä̱ shö heh nä̱kˑniˑgoä̱ħˑhösˑdek.
4Joiˑwat deˑyaˑdöä̱ˑjoˑnisˑöħ Naˑyahˑdaˑgwënˑni'yuħ, neh dih ä̱ˑgiħˑsakˑseek; ne neh huhˑaˑgihˑdyöˑdak hòˑnóˑsöt, Naˑyahˑdaˑgwënˑni'yuħ, gaˑgwe'göħ he niˑwä̱ˑnĭsˑhäˑgeˑä̱ˑgöˑhek naˑgatˑgaˑthuħ heh niˑyoˑyä̱sˑdöh Naˑyahˑdaˑgwënˑni'yuħ, neh kuh ä̱sˑgaˑdaöˑdöˑök noˑnä̱ħ öˑgyeħ haˑtgä̱ˑnĭsˑahˑtah.
5Neh sä̱ħ'ä̱h noˑnä̱ħ dä̱ˑwöˑgaˑdöä̱ öˑhaö'hwaħ ä̱ˑöˑgyahˑdahˑset heöˑweh neh hehˑtgä̱h tgaˑdeħ; heöˑweh noˑdahˑsehˑdohˑgeħ hóhˑniˑgäˑösˑyoot, nehˑhuh nöħˑgööˑhä̱öˑgyahˑdahˑset; nehˑhuh ä̱öˑgihˑdyööħ gasˑdä̱'ä̱hˑgeh.
6Daˑoˑnä̱ħ nakˑnöhˑä̱ˑgeħ dä̱ˑgahˑgwahˑdöˑök, hehˑtgä̱h hä̱ˑgaˑdä̱h heˑniaˑdiˑyahˑdaˑdeħ nökˑni göˑä̱ˑswaˑä̱s deˑyoˑtwaˑdeˑsee heh niˑgyahˑdaˑdeħ; daˑoˑnä̱ħ neh huh ä̱kˑdat noˑniˑgäˑösˑhäˑgö ä̱ˑgatˑgaħ heˑniˑyoˑdohˑhöˑök; äˑga dä̱ˑnoˑdä̱h, doˑgä̱s', ä̱ˑgaˑdä̱ˑnoˑdä̱h dä̱eˑä̱hˑsä̱öˑnyöˑök Naˑyahˑdaˑgwënˑni'yuħ.
7Satˑhonˑdek, O Syahˑdaˑgwënˑni'yuħ, gwä̱ˑnoˑnä̱ħ dä̱ˑgahˑsä̱ˑthoħ ä̱ˑgyeäħˑdok neh nöh; da gi dä̱ gwah huh, donˑdaˑgwënˑnö säˑgoh kuh.
8Noˑnä̱ħ ä̱hˑsiħ, jiˑsakˑnehˑgeˑgöhˑsahˑgeh; neh naˑgä̱ˑnyahˑsah ä̱ sä̱ˑös, neh sehˑgöhˑsahˑgeh, Syahˑdaˑgwënˑni'yuħ, ä̱ˑgihˑsak.
9Sä̱ˑnöh weˑähˑnä̱ˑdihˑsatˑgöhˑsahˑsehˑdöˑöh heˑniˑgyahˑdaˑdeħ; sä̱ˑnöħ nehˑhuh ä̱eˑsis neh sahˑhahˑshäħ neh gaˑnöhˑkwä̱s hä̱ˑgö; iis das gyeˑnöˑwöhˑseaˑdyĭëħ; sä̱ˑnöħ ä̱sˑgyahˑdöˑdiħ, sä̱ˑnöh kuh ä̱sˑgatˑgah, O Swënˑni'yuħ naˑga wä̱ħ neh jaˑgoˑyahˑdaˑgwatˑhah
10Noˑnä̱ħ naahˑnih kuh ne nohˑyä̱h ä̱öˑgatˑgah, da oˑnä̱ħ Naˑyahˑdaˑgwënˑni'yuħ dä̱ˑöˑgyahˑdak.
11Daˑgiöˑnyä̱ħ heöˑweˑgwa heehˑsehˑdah gwah, O Syahˑdaˑgwënˑni'yuħ, nehˑhuh kuh dakˑnä̱ˑchi heöˑweh niˑyoaˑdoˑgat, neh dyoiˑwahˑnä̱ˑgä̱ˑnökˑniˑgöä̱ˑswaˑä̱s.
12Sä̱ˑnöh nehˑhuh ä̱hˑsgahˑdatˑgah heˑnit huh dih niˑgoˑohˑdä̱ nökˑniˑgoä̱ˑswaˑä̱s; neh sä̱h'ä̱h noˑnóˑwä̱hˑööħ waˑdiˑwaˑgwaiˑsöhˑgwaˑöħ heˑgyahˑdaˑdeħ, neh kuh hä̱ˑnöˑdöiˑchihˑtgä̱s noˑgweˑnyö ä̱ yaˑgo nyoh.
13Aˑwakˑni göˑä̱'dóħˑöħ', aˑgä̱ˑnöħˑdehˑneh deˑaˑgiˑwaˑgwënˑni'yosˑdöħ naˑgatˑgaˑthuħ heˑniˑwiˑyoħ Naˑyahˑdaˑgwënˑni'yuħ, taaˑä̱ˑjaˑdeħ neh yöˑhehˑöˑweh.
14Heˑsä̱ nöħˑgeˑäˑdöˑök Naˑyahˑdaˑgwënˑniˑyuħ; wiˑyoˑak heh nä̱ˑsniˑgöˑä̱hˑhasˑdek; neh kuh naeh ä̱ˑyahˑhasˑdehˑshöˑnih ne sä̱ˑnyah sahˑgeh; heˑsä̱ˑnohˑgeä̱ˑdöˑök, gaˑdöh, Naˑyahˑdaˑgwënˑni'yuħ.
Pašlaik izvēlēts:
Oˑi'waħ (Psalms) 27: SEE
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Gospels published by the American Bible Society in 1872, Psalms in 1892.