Oˑi'waħ (Psalms) 26
26
OˑI'WAĦ DE WUS'HĂ̱ YEˑIĦˑSGAEĦ. (PSALM XXVI.)
1Dönˑdaˑgyahˑdoˑwet, O Syahˑdaˑgwënˑni'yuħ; heh neħˑhuh gatˑha'iˑneh heh niˑdwaˑgatˑdaˑdesˑaħˑdöħ; neh kuh heˑyahˑdäähs Naˑyahˑdaˑgwënˑni'yuħ; nehˑdih gaiˑöˑnih thaħˑdaˑwakˑhiħˑsgoh.
2Daˑgeˑgahˑä̱ˑyöˑnyö, O Syahˑdaˑgwënˑni' yuħ, neh kuh ne daˑgekˑdö; sekˑdöˑhaˑgeˑgah gweħˑnöˑdaˑnyöh haeˑgwah kuh naˑgën'nyaħˑsahˑkeħ.
3Neh sä̱ħ'ä̱h ne saˑnoˑöħˑgwahˑsä̱ħ kuh heˑniˑyoˑdä̱ˑniˑdä̱'ö neh oˑä̱nˑdöö heh deˑgeˑga neeh; neh kuh nehˑhuh nöˑdaˑwaˑgehˑnöˑöˑdyĭëħ niis saiˑwaˑgwënˑniˑyʋs'döˑshäˑgoˑshöħ.
4Tä̱ħ'ä̱h kuh tħeħˑaˑgaˑdyä̱h doˑgä̱ neh deh waˑdesˑtheħ nöˑgweh, tä̱ħ'ä̱h kuh taˑyaˑgwe neˑdaˑdiħˑniˑgöä̱h seeh.
5Aˑgesˑwaä̱ħˑöh heh niˑgä̱ˑdyohˑgwaˑyä̱ħ neh waetˑgä̱h niä̱ˑnöˑdyeˑhah; tä̱ħ'ä̱h kuh doˑgä̱ taˑyaˑgwaˑdyä̱ noˑdiˑwaˑneˑaˑgöh.
6Ă̱kˑnoˑaˑeh neh gesˑoħˑdaħˑgesˑhöh heö' weh ne dehˑoiˑwaeh; oˑnä̱ħ' oˑgweˑnyö dä̱ˑgaˑtwaˑdaˑseh ne saˑwä̱ħ ne yeˑyahˑdönˑtwatˑha, O Syahˑdaˑgwënˑni'yuħ;
7Daˑoˑnä̱ħ oˑgweˑnyö ä̱tˑgioˑwaˑnä̱t ä̱ˑgyeˑä̱ dʋk noˑwä̱ˑnöh ne deˑyöˑdä̱ˑnöˑnyöħˑgwah, ä̱ˑgaˑtyoˑwiħ kuh gaˑgwe'göh heh niˑyoiˑwaˑnäˑgwahˑdoħs ne saiˑohˑdasˑhäħˑshöħ.
8Syahˑdaˑgwënˑni'yuħ, knoˑöhˑgwah heh nöˑdaˑgä̱öˑdyĭëħ heh snöˑgeh heh saˑnöhˑsot, neh kuh heˑniˑyoˑnökˑdaˑyä̱ħ hehˑniˑgaˑnöˑgeh niis saˑwä̱ħ ne syahˑdaˑnoˑöħˑgöh.
9Sä̱ˑnöh doˑgä̱ ä̱ħˑsyoˑek naˑgatˑwaisˑhäħ noˑdiˑwaˑnehˑaˑgöh, kuh heˑgöhˑheħ doˑgä̱ noˑnöˑdetˑgwä̱ħˑsoˑsäˑsöh nä̱ˑnöˑgweh;
10Neh sä̱ħ'ä̱hˑháˑdiħsˑohˑdaˑdeˑnyohˑtä̱ħ'ä̱h dehˑgaˑdoˑgä̱sˑtħä̱ħ, neh kuh naˑdiˑyä̱ösˑdöhˑgwa haˑdĭsˑohˑdah gaˑnöˑhöh ne gaetˑgä̱tˑhah.
11Daˑneħ dih shöˑniihˑah, nehˑhuh ä̱ˑgat haiˑneħ ä̱ˑdwa̱ˑgaˑdatˑdesˑahˑdöˑök; dönˑdaˑgyahˑdaˑgoh, neh kuh ne daˑgiˑdä̱ˑsek.
12Neh niiħ ne gahˑsihˑdah neħˑhuh osˑhä̱ˑdahˑöħ heöˑweh shahˑdeˑgaˑdeħ; neħˑhuh ne gä̱ˑdyoħˑgwaˑgö niiħ deä̱ˑsä̱öˑnyöh Naˑyahˑdaˑgwënˑni'yuħ.
Pašlaik izvēlēts:
Oˑi'waħ (Psalms) 26: SEE
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Gospels published by the American Bible Society in 1872, Psalms in 1892.