Genese 36
36
Esau ve meavohula
1Ma va Esau (rare ae va Edoma) ve meavohula. 2Esau Kanana haela ve leia areve uavila karape, Ada, Hiti haela, Elona ve mari, Oholibama, Hivi haela Sibeona ve akore Ana ve mari. 3Basemata, Nebaiota ve mariloa, Isamaela ve mari. 4Ada, Esau ve epape akore va Elipasa; Basemata Reuela epape; 5Oholibama kai Ieusa, Ialama i Kora ila erape. Ma va Kanana ila Esau ve erape akoremari oaria.
6Esau areve uavila, akoremari i marita ila, kai ereve lalava haela oaria, areve animala, i Kanana ita koaravahaeape la eharu oaria kaili, Iakobo ve apehai ve ita aea kari aupe. 7Ehovea ereve eharu maeakoko, laelave ere ita haroapo hareho apeakive hovea ka; ere aula kelape la ita ere v'ila hovea ka, ehovea ereve animala maeakoko. 8Laelave, Esau va Seira la kela ita aeaveape; Esau ve rare aeva Edoma.
9Kela ita, Seira, apearoape Edoma haela ve oa Esau ve meavohula ma: 10Esau ve meavohula ve rare ma: Elipasa, Esau ve uva Ada ve akore; Reuela, Esau ve uva Basemata ve akore. 11Elipasa ve akoremari va Temana, Omara, Sepo, Gatama i Kenasa ila. 12Timana va Esau ve akore Elipasa koarape uamari ae. Are Elipasa ve akore Amaleka epape. Ma va Esau ve uva Ada ve akoremari. 13Reuela va akoremari ma: Nahata, Sera, Sama, i Misa ila. Ma va Esau ve uva Basemata ve akoremari. 14Sibeona ve akore Ana ve mari, Esau ve uva, Oholibama ve akoremari ma: are Ieusa, Ialama i Kora ila Esau ve erape.
15Ma va Esau ve akoremari ve amua haela. Esau ve akore koare Elipasa ve akoremari: amua haela Temana, Omara, Sepo, Kenasa ila; 16Kora, Gatama i Amaleka ila; ma va Elipasa ve amua haela, Edoma la ita ureve; ere va Ada ve akoremari. 17Ma va Esau ve akore Reuela ve akoremari ma: amua haela Nahata, Sera, Sama i Misa ila; mava Reuela ve amua haela, Edoma la ita ureve; ere va Esau ve uva Basemate ve akoremari. 18Ma va Esau ve uva Oholibama ve akoremari ma: amua haela Ieusa, Ialama i Kora ila; ma va Ana ve mari, Esau ve uva Oholibama erape amua haela ma. 19Ma va Esau (rare ae Edoma) ve akoremari, kai ereve amua haela ma.
Seira ve meavohula
20La ita ve haela, Hori haela, Seira, ve akoremari ma: Lotana, Sobala, Sibeona, Ana ila, 21Disona, Esera, Disana ila; ma va Hori haela ve amua haela, Edoma la ita, Seira ve akoremari ma. 22Lotana ve akoremari va Hori i Hemana ila, kai Lotana ve mariloa va Timana. 23Ma va sobala ve akoremari: Alavana, Manahata, Ebala, Sepo i Onama ila. 24Sibeona ve akoremari ma: Aia i Ana ila; Ana va huakara merava leia au pekaki ma hoho ahea koarape haela, are areve oa Sibeona ve asini eapai laeape la hoa. 25Ana ve akoremari ma: Disona i Ana ve mari Oholibama; 26Disona ve akoremari ma: Hemedana, Esibana, Iterana i Kerana ila. 27Esera ve akoremari ma: Bilihana, Saavani i Akana ila. 28Disana ve akoremari ma: Usa, Arana ila. 29Hori haela ve amua haela ma: amua haela Lotana, Sobala, Sibeona, Ana, 30Disona, Esera i Dasana ila: ma va Hori haela ve amua haela, Seira ve la ita ve, ereve lalava lalava hovea.
Edoma ve king ila
31Edoma amua leivahaeape king ve rare ma: la hoa Iseraela haela ve king mai au leila. 32Beora ve akore Bela, Edoma leia king leipe; are aeaveape karikara ve rare Dinehaba. 33Bela apape: Sera, Bosara haela ve akore Iobaba areve ita avi king leipe; 34Iobaba apape: Husama, Temana ita ve haela areve ita avi king leipe. 35Husama apape: Moaba ve ita Midiana haela heaorapape haela, Bedada ve akore Hadada, areve ita avi king leipe; are aeape karikara va Avita. 36Hadada apape: Samala Masereka haela areve ita avi king leipe. 37Samala apape: Euperate mai ukai ve karikara Rehobota haela Saulo areve ita avi king leipe. 38Saulo apape: Akabora ve akore Baala‐hanana areve ita avi king leipe. 39Akabora ve akore Baala‐hanana apape: Hadara areve ita avi king leipe; are aeape karikara ve rare Pau; areve uva ve rare Mehetabela, Misahaba ve mari, Matereta ve mari la.
40Esau ve amua haela ve rare ma, ereve lalava lalava i apeaki ita ila hovea; ereve rare ila ma: amua haela Timana, Alava, Ieheta, 41Oholibama, Ela, Pinona, 42Kenasa, Temana, Mibasa, 43Makadiela i Irama ila; ma va Edoma amua haela (la va iele Edoma ve oa Esau) ereve apeaki ita ita hovea, ere avape la mea ve.
Pašlaik izvēlēts:
Genese 36: ORO
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Published by the British and Foreign Bible Society 1963-1972