YouVersion logotips
Meklēt ikonu

Luka 23

23
1Embatiĕ bahētari ningiwaha evanaï Pilatu tāna ōhi hazziwaha:—
2īvasi mā lōku pitūri lussihi Kaisarutaki pannu hījali ōzee inzihiĕ tānu Kristutee inni ro ōḍutee inzihiĕ weh’nani māmbu weẓẓomi inzihi evani muhe nēromi gēthali mātheri.
3Pilātu:— nīnu Judunga ōduti? inzihi evanaï wenzaliĕ evasi:— nīnu iẓẓi lehee inzihi evani tulle westesi.
4Pilatu mugulu‐pūzāranga tullee zana‐samuhomi tullee:— ī mānēi bakkiti nange ēni nēromi tōnzaĕ iẓẓesi.
5ātihe evari:— īvasi Galilaja dēshomi māthiwaha iẓẓeka pateka Judaja dēshomi baheti bōdha kīhihi lokuti lussi mannesi inzihi ōḍe eẓẓeka westeri.
6Pilātu ī hāḍa wenziwaha:— ī mānēi Galilajatasikī? inzihi wenziwaha
7evasi Herodu adhikāromi lōkiti rāzitasi inzihi punza koddiwaha Herodu tāna evanaï panḍitesi. Herodu ē nēẓungaña Jerushalemuta maẓẓesi.
8Herodu Jesuï messiwaha hāree rāha ātesi. evani bakkiti hāra sangatika weẓẓaki evasi ēnaa ātiwa ro iẓintromi kinani messa ōrhiwaha hāra dinati evanaï messali mānditesi.
9evanaï mestati hāreka weẓẓiwa evasi utromi ēnaawa hīatesi.
10mugulu pūzārangee shāstrungee ningiwaha evani muhe harḍaninga ninda gētheri.
11Herodu tani dandu tullee evanaï ūña messiwaha gēnkrōwi kīhiwaha evanaki sāḍi himborka huẓẓi kīhiwaha Pilatu tāna wenḍe panḍitesi.
12iẓẓe kiha ōkhee Horodue Pilatue roonaki roosi īrsa gattari manzihi ē nēẓuta roonaki roosi tōneska āteri.
13embatiĕ Pilātu mugulu pūzāranganiĕ, adhikāringaniĕ lōkutiĕ ārwi kīhiwaha:—
14lōku wenḍe mlīni lehe kīnesi inzihi ī mānēiti mīmbu nā tāna tatteri, ātihe nānu mī nōkita īvanaï biẓāromi kījaliĕ mīmbu evani muhe gēthi nēromikaña rondi ātiwa nange tōnzaāte.
15Herodutaki zakke tōnzaāte. Herodu evani mā tāna wenḍe panḍatesi. īdikō hāki pātali īvasi ēnaawa kīha hilluusi.
16-17lacka nānu īvanaï shiksha kīhiwaha pispi kīini inzihi evari tulle wessaliĕ
18bahētari:— īvanaï paia tusiwaha mange Barabbaï pispi kījamu inzihi rondiĕ āhi killeḍi kitteri.
19īvasi gāḍata kitti ro allara kōsomiĕ kūni kōsomiĕ keidi‐hālata meth’asi āha maẓẓasi.
20Pilatu Jesuï pispi kījali māndiwaha evari tulle wenḍe zōlitiwa
21evari:— īvanaï shiluwa meth’mu, shiluwa meth’mu inzihi killeḍi kitteri.
22tīni bēḍe evasi:— ēnaataki? īvasi ēni dushtu kamma kittesi? īvani bakki hākitaki pāḍa āti nēromi ēnaiwa nange tōnzaāte lakka īvanaï koẓẓeka rezenika wēẓiwaha pispi kīini inzihi evari tulle westesi.
23ātihe evari rondiĕ pattuti kazza killeḍi kīhihi ivanaï shiluwa irh’mu inzihi rīsaliĕ evari killeḍi gelhite.
24lakka evari rīsti lehe mlījali inzihi Pilatu tīrpu kīhiwaha
25allara kōsomiĕ kūni kōsomiĕ keidi‐hālata methanaï evari rīsti lehe evaraki pispi kīhiwaha Jesuï evaraki ishtomi wāti lehe kījali herpitesi.
26evari evanaï ōhi hazzaliĕ walahati wāhi manni Kurenitasi Simonu roonaï assiwaha, Jesu zēẓo shiluwa dēkali evani muhe ēdaa ekheri.
27hāra zana samūhomiĕ evani kōsomi hīja wēẓa koddihi zāra āha manni hāra zāna ījaskee evani zēẓo perheri.
28Jēsu evari bakki wenḍiwaha:— Jerushalemu māngaterī! nā kōsomi lī’adu mī kōsomiĕ mī kokkari kōsomiĕ lī’du.
29īdikō! — bānzeniskee pā’naa bandingee pālu hīa rāngungee bhāgiomi gattaï āha mannu inzihi weh’ni nēẓunga wānu.
30ē wēḍata:— mā muhe rīh’du inzihi horka tullee, mammaa plikh’du inzihi kuḍri tullee lōku wessali māth’eri
31evari hī’ili mrānutaki īle kittihe weitanaki ēnaa kīneriā inzihi westesi.
32ōḍe rīari evani tulle zakke paia tuh’nanaki tatteri; evari doho kittari.
33evari plunke iẓẓi tājuta wātati, embaa ti’ini bakkiti roonaï tēbri bakkiti roonaï ē doho kittaraï evani tulle zakke shiluwa irheri.
34embatiĕ Jesu:— ābā! ēvari ēnaa kīneriā, īvari punnuuri lakka īvaraï kshaminẓamu inzihi westesi. evari evani himborka bāti kījali chītinga metheri.
35lōku niẓẓiwaha messi maẓẓeri; ātihe adhikāromi gattari:— īvasi etkeetaraï rakshinẓitesi; īvasi Paramushreela mliphi Kristu maẓẓihe tanu tānue rakshinẓa koddapesi inzihi gēnkrōwi kitteri.
36embatiĕ dandu kōska evani tāna wāhiwaha evanaki pulla ēju hīhiwaha:—
37nīnu Judunga ōḍiti iẓẓihe ninnaa nīnuĕ rakshinẓakoddamu inzihi evanaï lāgiteri.
38— īvasi Judunga ōḍu inzihi ro tēḍi rāẓu evani lekkoti rāẓitai āha maẓẓe.
39lēsti ē dōho kittari lōni roosi evanaï dūshana kīhihi:— nīnu Kristuti iẓẓihe nīnu ninnaa rakshinẓakoddamu, mammaa zakke rakshinẓamu inzihi westesi.
40ātihe ḍājutasi evanaï shikhiwaha:— nīnu īleti shikshata manzi lakka Paramushreenaki azzi ninge hilleekī?
41mange ātiwa īdi nājomiĕ; māro kittanaki tagiti phalomi pā’nohi samma īwasi ēni doho kīatesi inzihi wessiwaha
42evanaï messiwaha:— Jesutī! nīnu nī rāziomiti wānati nannaa onpa koddamu iẓẓesi.
43ēdānaki evasi evani tulle:— nīnzu nīnu nā tulle zakke paradīsuta manzi inzihi satteeniĕ nī tulle wessi manzaï iẓẓesi.
44embatiĕ ḍājueski trāju wēḍa āte. ēdi māthiwaha tīni ganta pateka ē deshomi bahēti muhe anderi āte;
45wēḍa tōnzaāte; gūdita madditi himboritera genza haẓẓe.
46embatiĕ Jesu kazza hāliti killeḍi kīhi:— ābā! nī kējutaki nā ātmaï herpi manzaï iẓẓesi. evasi īle āhiĕ wessihi zīwu rāphesi.
47sohe muheti mugulu mlītani messiwaha:— ī mānēi satteeniĕ nīti gattasi āha maẓẓesi inzihi messihi Paramushreeni mahima wēkhesi.
48hēnga wāti lōku mlīti kāremika messiwaha hīja wēẓihi wenḍiteri.
49evanaki tōneska bahētariĕ, Galilajati evani zēẓo perhi ījaskee heoti niẓẓiwaha ēvaskani messi maẓẓeri.
50Judunga gāḍatasi inni Arimatijatasi Josepu inni roosi maẓẓesi.
51evasi nehatasiĕ nīti gattasiĕ manzihi evari onpungakiĕ evari kitti kammatakiĕ ōpaanaha Paramushreeni rāziomi kōsomi kāẓi maẓẓesi.
52evasi Pilatu tāna hazziwaha Jesu anga (tange hījamu inzihi) risiwaha
53ēdaa lōki rēpiwaha sannomi lūlu himborka tulle plīkhihi potpikitti pāka maheni‐mandata ittitesi. ēdānita imbaaniwa iẓẓēti ōkhee eẓẓelawa ittaateri.
54ē nēẓu mliphni nēẓu; zōmini dina māthnai āte.
55embatiĕ Galilajati evani tulle wāti ījaska zēẓo hazziwaha ē maheni‐mandatiĕ, evani anga ēni kihi ittitai āteā ēdāniĕ messihi
56wenḍe hazzihi nehi gandha gatti sazzuĕ prādini nījuĕ mliphiwaha helloti lehe zōmini dinata tamba maẓẓu.

Pašlaik izvēlēts:

Luka 23: KUVI

Izceltais

Dalīties

Kopēt

None

Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties