YouVersion logotips
Meklēt ikonu

Luka 24

24
1Wāromi nēẓu wējaliĕ tāmbu mliphi nehi gandha gatti sazzunga taẓihi maheni‐manda tāna wāhiwaha
2manda nōkita manni walli mekha tustani messiwaha bitri haẓẓu samma
3prabhu Kristu anga evaskaki tōnzaāte.
4īdāni kōsomi evaskaki ēnaa tōẓa anaha manzaliĕ uzeḍi gatti himborka huẓẓiti rīari mānēi evaska tāna nitteri.
5evaska azziwaha mūmbuti tozzo plīga manzaliĕ īvari:— nīḍinanaï mīmbu ēnaataki hātari tāna parri manzeri?
6evasi imbaa hilluusi, evasi ningitesi; evasi Galilajata ōḍe mannati:—
7mānēi‐mrīesi pāpu gatti lōkutaki herpitasi āhi shiluwa meth’āsi ahi dīni dinata ninginasi ānesi inzihi evasi mī tulle westi hāḍa onpa koddadu inzihi evari tulle westeri.
8embatiĕ evari evani hāḍa onpa koddihi
9maheni‐mandati wenḍe hazziwaha ī sangatika bahee egāro zāna shishungaki tatimi bahētaraki punpi kittu.
10ī sangatika apostalunga tulle westaï imbaï iẓẓihe — Magdalene Mariee, Johannee, Jakobu talli āti Mariee, evaska tulle manni etkeeti ījaskee.
11ātihe evaska hāḍanga īvaraki bai hāḍanga lehe tōnzātu lakka īvari evaska hāḍanga nammaateri.
12ātihe Peturu ningiwaha maheni‐manda tāna hotti hottiwaha bonga messaliĕ gūnahimborka mātromi pistaï tōnzātu. evasi mlītani messiwaha addazakka āhihi izzo hazzesi.
13ē nēẓutee evari lōni rīari Jerushalemutaki kōseka hĕo manni Emmaju inni ro nājutaki hazzihi
14mlīti ī sangatika bahēti kōsomi rooni tulle roosi zōlki āhi maẓẓeri.
15evari zōlki āhi onpi mānzaliĕ Jesu tānuĕ daggire wāhiwaha evari tulle kūḍa tākitesi.
16ātihe evari evanaï ẓinni punna anaha evari kanka muẓẓitaï ātu.
17evasi:— mīmbu tākihi rooni tulle roosi zōlki āhi manni hāḍanga ēnaï inzihi wenzaliĕ evari līpki mīmbu āhi nitteri.
18evari lōni Kleopha inni roosi:— Jerushalemuta basa kīhi manzihi ī nēẓungaña embaa mlīti sangatika nīnu rootiĕ punnuudī? inzihi evanaï weẓẓesi.
19evasi:— ēvi imbinaï inzihi evaraï weẓẓati evari:— Nazaretutasi Jesu bakkiti sangatikee; evasi Paramushreeni nōkitee lōku bahētari nōkitee krījatee zōkoḍitee blāju gatti gūrū āha maẓẓesi.
20mā mugulu‐pūzārangee, adhikāringee evanaï ēnikīhi hākishikshataki herpiwaha evanaï shiluwa irh’eriā inzihi nīnu punnuudi?
21Ishraeluï rakshinẓinasi īvasiĕ inzihi māmbu inzakodditomi. īdi āanaha ī sangatika mlīhiwaha nīnzutaki tīni dina āha mannu.
22ātihe mā lōni koẓẓeka zāna ījaska wējaliĕ maheni‐mandatāna hazziwaha evani angati meh’anaha wāhiwaha:—
23koẓẓeka zāna dharmu‐dūtanga tamge tōnzāhiwaha, evasi nīḍa mannesi inzihi westeri inzihi mā tulle wessiwaha mange zīwu loho kījateri.
24mā tulle kūḍa manni koẓẓetari maheni‐manda tāna hazziwaha ē ījaska westi lehe kanukodditeri samma evanaï meh’ateri inzihi evani tulle westeri.
25ēdānaki evasi:— ēḍu hillaa gattateri, gūrka westi zōkoḍika bahē nammaa mōno zāngitaterī!
26Kristu īleti wāhu āhi tani mahimata rēnai ăekī? inzihi evari tulle wessihi
27Mosee wālati gurkee māthiwaha dharmu‐pustakomita tani bakkiti zōkoḍi bhāwomi evaraki punpi kittesi.
28intalōni tambu hazzi manni nāju daggire wātati evasi ōḍe koẓẓeka hĕo hanni lehe tōnzājaliĕ
29evari:— miḍolkihi āte, wēḍa klūte, mā tulle mannamu inzihi wessiwaha evanaï balmi kitteri lakka evasi evari tulle manzali bitri haẓẓesi.
30evasi evari tulle rāndataki kuggitati ro he’era assiwaha dhōlhiwaha ēdāni likhiwaha evaraki hāsaliĕ
31evari kanka meh’naï āhi evanaï ẓinni puẓẓeri; embatiĕ evasi mlengitesi.
32embatiĕ evari:— evasi zījuta mā tulle zōlkihi dharmu‐pustakomi mange bōdha kījanati mā hīja mā tāna linzi hillaatekī? inzihi rooni tulle roosi wessa kodditeri.
33ē gāḍijatee evari ningiwaha Jerushalemu tāna wenḍe hazzaliĕ egāro zāna shishunganiĕ evari tulle andamannaraïĕ messaliĕ
34evari:— prabhu satteeniĕ ningihi Simonutaki tōnzātesi inzihi westeri. evari ēdaa wenziwaha
35zījuta mlīti sangatika, evasi he’era likhaki tamge ēni āhi ẓinni puẓẓasi ātesiā inzihi punpi kitteri.
36evari īle inzihi ōḍe zōlki āhi manzaliĕ evasi evari maddi niẓẓiwaha:— minge samādhānomi āpeko inzihi evari tulle westesi.
37ātihe evari addazakka āhihi hāree azzihi mah’eni tamge tōnzāte inzihi onpiteri.
38embatiĕ evasi:— mīmbu ēnaataki peḍiri manzeri? mī hījanga dājueski ēnaataki ānu?
39nānuĕ evatee inzali nā keskaniĕ nā pā’ananganiĕ hē’du; nannaa assa hē’du, nange manni lehe mīmbu messi manni plēkee ūngee mahenitaki mannău inzihi wessiwaha
40tani keska pā’ananga evaraki tōstesi.
41ātihe evari rāhati ōḍe nammaanaha iẓintromi āha manzaliĕ evasi:— imbaa mī tāna ēnai ātiwa tinzali mannekī? inzihi weẓẓesi.
42evari hūditi mīnu ganḍra evanaki hitteri.
43evasi ēdaa koddiwaha evari nōkita tiẓẓesi.
44embatiĕ evari:— Mose dharmashastromi lōniĕ gūrka pustakomi lōniĕ katanga lōniĕ nā bakkiti rāẓiti bahee mlījali inzihi nānu mī tāna maẓẓati mī tulle westati hāḍanga mlītu inzihi evari tulle westesi.
45ēwēla evari dharmu‐pustakomi punza kodditi lehe evasi evari mōno hukhiwaha:—
46Kristu wāhu āhi tīni dinata hātari tānati ninginesi inzihiĕ
47Jerushalemu māthiwaha wālati lōkungaña evani dōruti wenḍe‐zīwuĕ pāpu pih’naniĕ wekh’nai āne inzihiĕ rāẓitai āha manne.
48ī sangatikataki mīmbuĕ sākingateri.
49īdikō nā tanzi hārowi āti zōkoḍi mī muhe panḍi manzaï. mīmbu lekkoti blāju pā’ni pateka gāḍata niẓẓa manzu inzihi evari tulle iẓẓesi.
50ēḍāju evasi Bethania pateka evaraï ōhi hazziwaha keska perhiwaha evaraï dhōlhesi.
51evaraï dhōlhi manzaliĕ evasi evari tānati etkee āhi lakkapūrutaki ūmbitesi.
52evari evanaki zohorkihiwaha hāra rāhati Jerushalemu tāna wenḍe hazzihi
53tewa anaha gūdita manzihi Paramushreelaï pāẓiteri.

Pašlaik izvēlēts:

Luka 24: KUVI

Izceltais

Dalīties

Kopēt

None

Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties