Juan 15
15
Uba too toto a̦fa
lä jilamono wei tä a̦
1Jesús a wa̦ faö co̦oma.
—Fayä ficali etäca jamö, camiyä too bei ya toto colo yai. Uba comi bä lalobä, too totobä lä dodijidablaö wei, ö̦jo Fayä bei a. 2Ai ya totobä boco lä cui jamö, uba bä laloimi. Ö̦jö totobä boco nia bloque joyamou. Ai ya totobä boco lä cui jamö, uba bä ma faö wei ma cui, totobä fa aublalönö totobä nia boco ola joyaö, uba bä bluca yai fabä. 3Cafä wamacö lä cui nija ya tä a̦ lä wäyäno wei tä a̦nö, wamacö aublamoa waiquilayoma, wamacö yai dodijabä.
4’Camiyä nija bä yanöcöwä da cuicu —a cuma—, cafä wamacö nijamö ya lä culenaja showawä. Colo toto jamö totobä boco shadiomi ja, uba bä ca̦i nia faimi waiquiwä. ¿Ö̦jö tawä? Inaja showawä, camiyä nija wamacö yanöcöwä cuomi ja, cafä wamacö nija dodijidawä tä nia wawäbloimi. 5Camiyä bei ya toto colo, ¿ö̦jö tawä? Cafä wamacö lä cui, bei ya totocu boco. Camiyä nija bä lä yanöcöo wei bä lä cui, cama bä nija ya ca̦i yanöcölanö, ö̦jö bä nia dodijaö. Ö̦jö bä lä cuinö, uba bä dodijidawä lalou lä culenaja, bluca tä nia dodijidawä wawämaö cuoje. Camiyä nija bä yanöcöomi ja, bä dobloimi malä waiquii. 6Camiyä nija bä yanöcöwä cuo lä mlai, totobä boco fa manöblalönö, totobä boco fäö lä culenaja bä nia taamamou. ¿Ö̦jö tawä? Ö̦jö däjä, totobä boco fa dolalöjenö, cowa wacö jamö totobä shäyäblaaöje, totobä ö̦shöbä.
7’Camiyä nija wamacö yanöcöwä cuo ja, showadi wamale a̦ nofi ca̦i jaducubou ja, camiyä nija wamacö nö bayeli nacao lä bädao wei tä ma cui ja, wamacö a̦ nia juamou —a cuma—. 8Wamacö showadi lä dodijaö wei tänö, camiyä nija wamacö lä nocao wei tä nia dablamou. Ö̦jö däjä, Fayä a wa̦fa ca̦i nia doblao tamou. 9Fayänö camiyä wale nofimaö lä culenaja, bämacö nofimaö cuwä mö feduwä. Bämacö lä nofimale tä ja bä da yanöcöicu. 10Wamale a̦ nofi cadidibou ja, bämacö lä nofimale tä ja wamacö nia yanöcöo. Fayä ya wa̦ nofi cadidibolanö, camanö wale lä nofimale tä ja ya e yanöcöwä lä culenaja showawä.
11’Camiyä ya bufi doblalou lä culenaja wamacö cuo mö feduobä, bämacö yömölaö lä cule —a cuma—. Wamacö bufi shino yai doblalobä. 12Ya tä taamaö lä bufii wei, ei ya wa̦. Bä da nofimayo, ö̦jö lä, camiyänö bämacö nofimaö lä culenaja showawä. 13Cama nofi ebä bayeliblabä a shämou lä läo wei a lä cui, ö̦jö a yai nofi fe balojowä. 14Ya tä taamaö lä bufii wei wama tä taö ja, iba nofi lä wamacö.
15’Bada a wa̦ juamobä bä lä cui, a bayeliblabeje bä li tabou —a cuma—. Bada a lä cui, cama a nia yai lä cuaaö wei, ö̦jö bä nija tä a̦fa nia wäaimi. Bä ojodamou buobä cäbä. Ö̦jö cudeenö, camiyä ya lä cuinö, “Ya wa̦ juamobä cäbä”, bämacö nofi fei däjä tabou bäami. Ma, “Iba ya bä nofimaö lä dodijile cäbä”, bämacö nofi yai tabou majöa lä cule. Fayä nija ya tä a̦ bluca lä ji̦lileno wei wama tä a̦ daö mö feduobä, ya tä a̦ bluca wäa malä waiquiqueno wei.
16’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö. 17¿Ö̦jö tawä? Bämacö yai taamaö lä bufii weinaja, ei ya wa̦ waiquiwä, wamacö nofimayobä, ö̦jö lä —Jesús a cuma.
Jesucristo ebä
nofi lä wa̦libodujei tä a̦
18Abinaja Jesús a cuu co̦oma.
—Yanowamö täbänö wamacö nofi wa̦libouje ja, bä bufi da jaduculu. Camiyä wale nofi wa̦libou balöoma cudeejenö, inaja showawä wamacö nofi wa̦libou cuo nomöjöoje. 19Yanowamö täbä bufi lä cuaablalou weinaja wamacö bufi cuaaö mö feduo fa cunoja, wamacö nö shino nofimabö wejei. ¿Ö̦jö tawä? Yanowamö ai täbä lä culenaja wamacö cuo ma balöono wei ma cui, iba wamacö cuo nomöjöobä, bämacö yailema. Ö̦jö cudeenö wamacö nofi wa̦libouje.
20’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje. 21Ö̦jö ma cui, wale lä shömöleno wei a daimije yalo, iba wamacö cudeenö wamacö nia inaja taamaö dodijioje.
22’¿Ö̦jö tawä? —a cuma—. Yanowamö ya bä nowa tabä ya waloo mlao fa cunoja, bä nö wa̦lidiwä jömamobö mlai. Ö̦jö ma cui, fei däjä bä a̦fa mojodi tamobä, tä yai cuami. 23Wale nofi lä wa̦libou wejei bä lä cuinö, Fayä a ma cui a nofi ca̦i wa̦libou mö feduoje. 24Cama bä nijamö tä nö lä quilijii ya tä bluca wawämaö mlao fa cunoja, bä nö wa̦lidiwä jömamobö mlai. Ö̦jö ma cui, ya lä cuaano wei tä ma dalaleno wejei ma cui, wale nofi wa̦libou fe yadioje. Fayä a ma cui, a nofi ca̦i wa̦libou mö feduoje. 25Moisesi tä a̦ oni lä tabou wejei sibä jamö, tä a̦ lä cuole tä a̦ bejedi wawäblou bufio yalo bä li cuaaö. Abinaja tä a̦ cuu.
No mlai ja wale nofi wa̦libomaje.
’Einaja tä a̦ cuu —Jesús a cuma—. 26¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö. 27Cafä wamacö ma cuinö wamale a̦fa wäyäbä wamacö li. Ya bä jaba lä yömölano wei däjä, camiyä nija wamacö cudio fa showaonö, wamacö cua showaa malä cule.
Pašlaik izvēlēts:
Juan 15: GUU
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
©2012, All Rights Reserved