Luka 16
16
KHAOLO 16.
1MI le gona a raea barutoa ba gague, Gabo gole monona oa mohumi, a na le motlameri‐ntlu, mi eo, a latuharioa go ena, ha a sentse lilo tsa gague.
2Mi a mitsa, a mo raea, Eñ se ki se utluañ ga gago? naea palo ea tlamelo ea gago, gone u si kitla u tlola u na motlameri‐ntlu.
3Mi motlameri‐ntlu a ithaea, Ki tla rihañ, ka morena oa me a tlosa tiho ea tlamelo go ’na? ga ’nkake ka lema, mi ki tlayoa ki litloñ go kopa.
4Kia itse kaha ki tla rihañ ka gona, gore ere ki ntsioa mo tihoñ ea tlamelo, ba ’ncule mo matluñ a bona.
5Mi a biletsa go ena moñue le moñue oa ba melatu ba morena oa gague, a raea oa ntla, U molatu o kai go morena oa me?
6Mi a re, Libato tsa loukuane li hundereda. Mi a mo raea, Tsaea kualo loa gago, mi u lule, u kuale ka bonako li faevete.
7Mi a ba a raea eo moñue, Mi uena, molatu oa gago o kai? Mi a re, Likoro tsa mabele li hundereda. Mi a mo raea, Tsaea kualo loa gago u kuale eite.
8Mi morena a baka motlameri‐ntlu eo o sa siamañ, gone a rihile ka botlale, gone bana ba hatsi yenu ba botlale bogolu mo baneñ ba leseri mo sikeñ loa bona.
9Mi kia lo raea, Itiheleñ litsala tsa mamone eo o sa siamañ; gore mogañ lo tlokañ ka ona, ba lo culele mo maagoñ a a sa khutleñ.
10Eo o ikancoeñ mo go se se botlana bogolu, eo, o ikancoe le mo go se segolu; mi eo o sa siamañ mo go se se botlana bogolu, le ena ga a siama le mo go se segolu.
11Ki gona ha lo lo sa ikanoa mo mamoneñ eo o sa siamañ, lo tla ikañoa e mañ lohumo loa boamarure?
12Mi ha lo lo sa ikañoa mo go tsa eo moñue, lo tla neoa e mañ tsa lona?
13¶ Ga go motlañka ope eo o ka rihelañ barena ba tu; gone o tla ila eo moñue, khotsa a rate eo moñue; khotsa o tla ñaparela eo moñue mi a nyatse eo moñue. Ga lo kake loa rihela Morimo le mamone.
14¶ Mi Bafarisai le bona, ba e le le barati ba mari, ba utlua lilo tse cotle; mi ba mo shotla ka kilo.
15Mi a ba raea, Ki lona ba lo itsiamisañ ha pele ga bathu; mi Morimo oa itse pelu tsa lona; gone se se kaioañ segolu mo bathuñ, se mashue bobe ha pele ga Morimo.
16Molao le baperofeti ba le ba leo le go Yohane; e sale ka motla ouo bogosi yoa Morimo bo reroa, mi moñue le moñue oa icukanyetsa go yona.
17Go boheho legorimo le lehatse le heta bogolu go titela ea molao go nyelela.
18Mi moñue le moñue eo o tlalañ mosari oa gague, a nyala eo moñue, eo, oa gokahala; mi moñue le moñue eo o nyalañ eo o tlariloeñ ki monona oa gague, eo, le ena oa gokahala.
19¶ Gabo gole monona moñue, a humile, mi a apere porepura le lene ya bonolo, a tsela ka malatsi aotle mo boitumeloñ le mo boiñtliñtleñ.
20Mi gabo gole mokopi moñue eo o birioañ Lasaro, eo, o laletse ha khoroñ ea gague, a tletse lintho.
21Mi a eletsa go yesioa ka matlotlora a a oañ mo lomatiñ loa boyelo loa mohumi; mi le gona linca tsa tla, tsa lacoa lintho tsa gague.
22Mi ga rihala mokopi a shua, mi baengele ba melegela sehubeñ sa ga Aberahame.
23Mi mohumi le ena, a shua, a hitloa; mi eare a le mo bobipoñ a culetsa maitlo a gague, a le mo botlukuñ, mi a bonela Aberahame khakala, le Lasaro a le mo sehubeñ sa gague.
24Mi a bitsa, a re, Aberahama, rra, ’nkutluela botluku, mi u rome Lasaro, gore a ine ntla ea monuana oa gague mo metsiñ, a ’ntsirihatse loleme; gone ki mo botlukuñ mo khabuñ e.
25Mi Aberahame a re, Ñuana, gopola, u lu u na le tse ri molemo tsa gago, mo tseloñ yoa gago, gontse yalo Lasaro o la a na le tse ri boshula; mi yana o gomoricoe, mi uena u utlusioa botluku.
26Mi bogolu mo go cotle tse, phatla e kholu e tlomiloe ha gare ga rona le lona; ki gona ba ba kuanu ba ba ratañ go ea go lona, ba reteleloa; le koñ ba ba ratañ go tla go rona, ba reteleloa.
27Mi a re, Rra, ki gona kia gu rapela, gore u mo romele kua tluñ ea ga rre;
28Gone ki na le bana ba ga rre ba faev; gore a ba itsise, gore le bona ba si tle mo heloñ monu ga botluku.
29Mi Aberahame a mo raea, Ba na le Moshe le baperofeti; a ba utlue bona.
30Mi a re, Nya, Aberahama, rra; mi ha moñue a coa mo bashuiñ, a ea go bona, ba tla tlabologa.
31Mi Aberahame a mo raea, Etlare ha ba sa utlue Moshe le baperofeti, le gona yalo, leha moñue a coa mo bashuiñ, ga ba kitla ba iteseletsa go itsisioa.
Pašlaik izvēlēts:
Luka 16: TSN1890
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
this is a historical text maintained by the British and Foreign Bible Society