Maliko 8
8
Yesu aiγusha wantu 4000.
1-10.
1Mishi ija kuzaunganana wantu wangi muno vituhu, kangi wazashowa vya ja; ne ahoitanga wahina wakwe, azawati: 2Nabulwa ni utungu na awa wantu, hambu mishi mitatu wazahumula kwangu, kangi nkawana vya ja. 3Ati nawashungula, waγotoke na kwawe waishijile, watagwa mshale silai, kangi kuṅwe waanduka hale. 4Wahina wazamlandula: Muntu adaha zeze kuwaiγusha nkande wantu weinga aha kunu nyika? 5Azawauza: Muna migate ingahi? Angwe: Mfungate. 6Azalaγiliza wantu, waikale shi, azaγuwa ija migate mfungate, azalavya ntogolo, azaibendulabendula, azaiinkila kwa wahina wakwe, waiiγale; wazaiiγala kwa waja wantu. 7Kangi ne waina vikapala viγeke, vyohena azavilaviliziza ntogolo, azalaγiliza, waviiγale. 8Wazaja, wazaiγuta, kangi wazadodola mpuγulishi ngahu mfungate. 9Miya wantu wazaγelemuka hata makulija mane; lushe azawashungula.
Yesu alemela na lwitangilo.
10-21.
10Viya du lushe azaingila mwe chombo na wahina wakwe, azahita lwazu lwa Dalimanuta. 11Ne Mafaliseyo wahomlawila, wazaandiila kuuzanya naye, wazamγeza na kumlonga, aγoshole lwitangilo lwelawa mwe lwingu. 12Azahesa moyo angwe: Nini inu mbali ikilonda iwitangilo? Kweli namiti: Inu mbali nkezeiinkwe lwitangilo. 13Azawaleka, azaingila vituhu mwe chombo, azaomboka na sheja. 14Miya wazajala kuinula migate, muja mwe chombo ne waishina hata, kushima mgate muṅwe du. 15Azawashunda akiwati: Olelai, mkiγojeshe kwa mbuli ya shimbi ja Mafaliseyo na shimbi ja Helode! 16Wazafanyanya mwe myoyo yawe kuti: Ni kwa kuti nkatina migate. 17Akivitaila azawati: Nini mkifanyanya kuti: Ni kwa kuti nkamna migate? Nkamzati mtende lutwi mkitaila? Myoyo yenyu iketoγa vivyoho? 18Mesho muna nayo, miya nkamwona, mashikilo muna nayo, miya nkamwiva. 19Nkamfukila haja nikizabendwila wantu makulija mashano migate mishano, mdodole ngahu zingahi zimemilezo mpuγutishi? Wazamγamba: Ni kumi na mbili. 20Azawaγamba vituhu: Haja nikizabendwila wantu makulija mane migate mfimgate, mdodole ngahu zingahi zimemilezo mpuγutishi? 21Wazamγamba: Ni mfungate. Azawati: Lushe na ivi nkamzati mtaile?
Yesu amhonya tuntu
22Wazabula Betisayida, wantu wazamletela tuntu, wazamhembeleza, amdowe. 23Azamtoza yuja tuntu mkono, azamlavya mwe uja muzi na uko tanga, azamshwela mate mwe mesho, azamubadikila mikono, azamwuza: Una uvyoona? 24Azaolela na ulanga angwe: Naona wantu weanga, viya nitaona miti. 25Azamubadikila vituhu mikono mwe mesho yakwe, akiolela lushe azahona, vintu vyoshe azaviona vitana, hata viya vye hale. 26Azamtuma na nyumbai mwakwe akimuti: Usheingile umu kaya, kangi ushezavimγambila muntu umu kaya!
Yesu a uko Kesaliya ya Filipo.
27—9,1.
27Yesu na wahina wakwe wazakulawa, wazahita kwe mizi tanga ya Kesaliya ya Filipo. Silai azauza wahina wakwe angwe: Wantu waγamba, kuti ni miyo ndai? 28Wazamuti: Kuṅwe waγamba: U Yohana Mubatizi, kuṅwe kuti: U Eliya, kuṅwe kuti: U muṅwe ywa wateγanyingwa. 29Ṅwenye azawauza: He inywi mγamba, kuti ni miyo ndai? Petelo azahitula angwe: Iwe u Kilisito Azawashunda, 30washezamγambila muntu inu mbuli yakwe.
Yesu alonga ndivyo alumiziγwe.
31Azaandiila kuwafuza, kuti vyamtala ṅwanangwa ywa muntu, alumiziγwe vikulu, abentwe ni watawa na wavikizi wakulu na watabaluwangwa, mpaka akoṅwe, miya mishi mitatu ikizinka, atafufuka. Inu mbuli azailonga cha sale. 32Petelo azamwinula he njama, azaandiila kumshunda. 33Miya yuja azahituka, azaolela wahina wakwe woshe, azamshunda Petelo angwe: Uka kwangu, Satani! Hambu nkutongonyeza viya vya Mulungu, utongonyeza viya vya wantu.
Muntu ainule muti wakwe wa kukomelwa.
34Azaitanga bumba kulu haṅwe na wahina wakwe, azawati: Ati muntu akunda kunitongela, shuti anekilemeza ṅwenye, ainule muti wakwe wa kukomelwa, ne ndivyo adahe kunitongela. 35Hambu mwekunda kukihonya, atazakihosa; miya mwekihosa kwa mbuli ya imi na ya ulau wedi, atazakihonya. 36Hambu muntu nezeaonele mbwai akimota ngulu ngima, ati moyo wakwe wahosiγwa ndiyo? 37Hambu muntu alavye makombo ani, ndiyo akikombole nayo? 38Hambu ndiye atendwe ni shoni na imi ao du na mbuli zangu kuzilonga mwe inu mbali ye kilanga na uhuza, hata ṅwanangwa ywa muntu atazatendwa ni shoni naye akizaiza haṅwe na walau waṅazi na utana wa ishe.
Pašlaik izvēlēts:
Maliko 8: KISHNT05
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
New Testament in Kishambala © Bible Society of Tanzania, 2005.