Populāri Bībeles panti no Mateo 27

Dalīties

Cui'ne ja̱re ja̱ hora pa'i maca Jesús ai tutu cuipi: “Eli, Eli, lama sabactani”. Ja̱ caye cato caji: Yë'ë Diusu, Yë'ë Diusu, ¿me nesi'quë yë'ëre je̱oco huesou'ni?

Ja̱re i̱ti macapi Maija'quë huë'e ta̱'tëpo tëhuosico cayaye ë̱mëje'epi huë'ehuëre pana yete saji'i. Yejaje̱ ñu'cuequë cui'ne quë̱na yejañaje tsate saji'i. Cui'ne ju̱'isicohua'ire ta̱se'eje̱ hui'ye sapi. Cui'ne Maija'quëre asani ju̱'isicohua'ije̱ huëisicohua'i paë'ë.

Ti̱jupë Jesús tutu cui'ne cui co̱pi. Ja̱ maca ju̱ni huesëpi.

Ja̱ maca Capitán cui'ne i̱ ja̱'re co̱ni Jesure ñacohua'ipi yeja ñu'cueye ñani cui'ne yeque jaiye yo'oyere ñajë ai ca'rajë cahuë: “Nuñerepa iquë Maija'quë mamaquërepa paji'i.”

Ja̱ maca yureta'a si'a yeja ñamije pa'iorepa de'o nëji'i, mu'se jopore papi na'i maca tres pa'i macaja̱'a.

Cajëna, Pilatopi se̱ji'i, ja̱ohua'ire: “¿Cui'ne me neja'quë a'ni, Jesure Cristo hue'equëre?” Caquëna, si'aohua'i sa̱ñope cahuë: “¡Que̱ja'quë api!” Ja̱ maca Pilato capi, ja̱ohua'ire: “¿Ja̱je pa'ito i̱quere co'aye yo'o u'ni?” Caquëna, ti̱jupë cui'ne cui co̱huë: “¡Que̱ja'quë api!”