Populāri Bībeles panti no Mateo 28

Dalīties

Ja̱je pa'ina, saijë̱'ë, coa si'a yejaña pa̱i pa'i hue̱'ñana. Sani yë'ëre ye'yecohua'ire necaijë̱'ë. Ja̱ohua'ire Maija'quë mamipi, i̱ mamaquë mamipi, cui'ne de'o joyo mamipi oco docaijë̱'ë. Ja̱je yo'ojë cui'ne ye'yajë̱'ë, yë'ë mësarute cua̱ñese'ere si'aye sehuoja̱jë cajë. Cui'ne cuasajë̱'ë, yë'ëpi mësaru ja̱'re si'a mu'seña pa'iji, yeja caraja̱isi macaja̱'a.” De'oji. Ja̱je pa'ija̱quë.

Ja̱ maca Jesús ja̱ohua'ire tsioja̱ni capi: “Yë'ëna si'aye tutu i̱sise'e pa'iji, ma'tëmo cui'ne yeja cua̱ñequërepa pa'ija̱'quëre.

Ja̱ maca ëjaë jo'yaëpi capi, nomiohua'ire: “Ca'rama'pë pa'ijë̱'ë. Tsoe yë'ëpi asayë, Jesure que̱ni huani je̱osiquëre mësaru co'eye. I̱ño peoji. Tsoe huëji'i, i̱ case'eje̱ pa'ye. Dani ñajë'ë, i̱te o̱a sitore.

Yo'ojëna, i̱pi capi, ja̱ohua'ire: “Ca'rama'pë pa'ijë̱'ë. Sani quëajë̱'ë, yë'ë yo'je tsi̱re. Galileana sani yë'ëre ñañe pa'iji.”

Ëjaohua'ipi sani aiohua'i ja̱'re co̱ni cahuë, si'a yë'quë maca cuasaye pa'ija̱quë cajë. Ja̱je cajë ja̱ maca soldado pa̱ire jaiye curiquë i̱sihuë. I̱sijë cahuë, ja̱ohua'ire: “Mësarupi cajë̱'ë: ‘ñami yëquë ca̱ni huesësi maca Jesús ye'yaquë pa'isicohua'ipi dani i̱ ca̱pë ñani sahuë.’ Ja̱re pa̱i ëjaëpi asa ti̱'ani, mësarute sa̱ñope yo'oye pa'ito yëquëpi i̱te ca de'huacañu'u. Cui'ne ai yo'oye pa'itoje̱ co̱caija̱'cohua'i a'ë, mësarute.” Ja̱ maca soldado pa̱ipi curiquë i̱mani, sani ja̱re i̱ohua'i yëhuojë case'eje̱ pa'ye quëahuë. Ja̱je pa'ina, yure iye mu'señaje judío pa̱i cui'ne quëajë pa'icohua'i a'ë.