Populāri Bībeles panti no Lukas 12

Dalīties

Kaitn gola' hala siap pakai' kodatakan Ana' Monsio bobali' ko dunia ni'in, obai Ana' Monsio tajahan bobali' pas watu inyo kinyo dikotohu'i. Samo ubo siku' urakng pongolit datakng timpu inyo kinyo dikotohu'i. Aman urakng umputn rumah udah tohu sombilo pongolit datakng, pasti io monjagonyo oca' pongolit kinyo ulih mansu'.”

Jadi, daripado ongkah momikiran mongonaꞌi hal nantai, pikirancam boko hal inyo pontikng dalapm Koraja'an Allah. Lopas nantai, somuo kopontikan kaitn paca'an dionju' ko kaitn.”

Ongko Yesus bopandir ko somuo urakng di santai, “Boboi'cam! Jagocam diri kaitn doi' somuo macapm kotama'an. Obai hidup inyo sobondarnyo samo sokali kinyo bogantukng agatn banyaꞌnyo kodampuan.”

Jadi, soharusnyo kaitn monyimpatn kodampuan kaitn di sorugo, obai di mono kodampuan kaitn ado, di siatn jam hati kaitn.”

Conyiant urakng inyo ulih bulah umurnyo lobih panjakng soari pan aman io kuatir.

Lopasnyo, Yesus bopandir ko boko murid-Nyo, “Obai kodampuan di dunia ni'in kinyo monjamin soluruh kohidupan kaitn, jadi jangan kuatir mongonaꞌi pomakatn pakai' hidup kaitn. Jangan kuatir mongonaꞌi banggi-pakaian pakai' bukakng-tubuh kaitn.

Allah lobih morogo'i kaitn daripado banyaꞌ burukng pipit nantai. Sio udah tohu boropo banyaꞌ lambai' rambut di kopala' kaitn. Obai Allah kotakng mongasihi kaitn, jadi jangan gola' momadahan diri kaitn pocayo agatn Aku timpu kaitn didorako'i.

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Bolajarcam doi' boko burukng dondakng. Sia' kinyo monanam, kinyo bohanyi. Sia' conyiant godukng damo jurukng. Apo Allah monyodia'an pomakatn oca' sia' ulih hidup. Pasti kaitn jouh lobih borogo daripado boko burukng!

Jangan bulah tujuan kohidupan kaitn bayo momikiran mongonaꞌi makatn-minum. Jangan kuatir hal nantai.

Boko kombakng liar di lakau tumbuh sobontar mo, opat ditobas ongko dicucul. Apo Allah totap bulahnyo boi'. Kaitn lobih borogo daripado boko kombakng liar di lakau nantai. Jadi, pasti Allah paca'an monyodia'an banggi-pakaian pakai' kaitn. Apo kaitn kurakng pocayo!

Apo somuo inyo urakng tutupi tajahan dibuka'. Somuo kojahatan inyo urakng ombakan tajahan dikotohu'i.